فلپی دروغہ – (اعمال 16:باب)
(تعارف)’’ دوستو ! اج میں اپنڑے بھراواں کوں بہوں زبردست کہانڑی سنڑوینداہا ں جو ایہہ کہانڑی ایمان گھن آنونڑدے بارےءچ ڈسیندی ہے۔ آؤ اساں مکمل کہانڑی سنڑوں۔
(4) پولوس تےاوندے شاگرد جیہڑے جیہڑے شاہراں ءچوں لنگھدے ہَن اتھوں دے لوکاں کوں المسیح دے شاگرداں تے بزرگاں دے اوہ فیصلے جیہڑے انھاں نیں یروشلیم ءچ کیتے ہائن۔(5) بس ایماندار جماعتاں ایمان ءچ مضبوط تےشمار ءچ روز بروز زیادہ تھیندیاں گیاں۔(9) ہک رات پولوس نیں خواب ڈیٹھا جو ہک مکدونی بندا کھڑا تھی تے منت کر تے آدھا ہے جو مکدنیہ ءچ آ تے ساڈی مدد کر۔(10) ایہہ ڈیدھے ای انھاں نیں فوراً مکدنیہ ءچ ونجنڑدا ارادہ کیتا۔(13) سبت دے ڈینہہ او ہ دریا دی کندھی تےگئے جیہڑی دعا کرنڑ دی جاہ ہوسی۔(14) تےہک عورت لدیہ ناں دی ہئی اوندا دِل خدا نیں کھولیاتےاو ہ پولوس دیاں گالھیں کوں سنڑتے ایمان گھن آئی۔(15) اونیں اپنڑے گھرانڑے سمیت بپتسمہ گھدا۔(16) کجھ ڈینہاں بعد جڈاں اوہ دعا کرنڑآلی جاہ تےویندے پئے ہَن تاں انھاں کوں ہک نوکرانڑی ملی جیہڑی غیب دے علم دےذریعے لوکاں دی قسمت دا حال ڈسیندی ہئی تےآپنڑے مالک کیتے بہوں کجھ کمیندی ہئی۔(17) او ہ پولوس دے پچھو ں آ کے رڑنڑھ لگی جو ایہہ بندے خدادے بندے ہین جیہڑے تہاکوں نجات دی راہ ڈسیندین۔(18) آخر کار پولس نیں تنگ آ تے اوں روح کوں آکھیا‘‘میں تیکوں المسیح دے ناں توں حکم ڈینداہاں جو ایں چھوہر ءچوں نکل ونج اوہ اوں ویلے اوندے ءچوں نکل گئی۔(19)جڈاں اوندے مالک نیں ڈیٹھا جو ساڈی کمائی دی امید ویندی رہی تاں پولوس تےسیلاس کوں پکڑ تے حاکماں دے کولھ چوک ءچ گھن گئے۔(22) تےفوجداری دے حاکماں نیں انھاں دے کپڑے پھاڑ تے لہا ڈتے تےبید مارنڑدا حکم ڈتاتےقید ءچ سٹیا۔(25) اَدھی رات دے قریب پولوس تےسیلاس دعا تےخدا دی حمد دے گیت گاندے پئے ہَن تےباقی قیدی سنڑدے پئے ہَن۔(26) تےابڑ غت وڈا زلزلہ آیا تےقید خانہ دی پوری عمارت مُنڈھ تئیں ہل گئی تےاوں ویلے سارے دروازے کھل گئے تےسارے قیدیاں دیاں زنزیراں کھل گیاں۔(27) تے در وغہ جاگ اٹھیا تےقید خانہ دے دروازے کھلے ڈیکھ تے سمجھیا جو قیدی بھج گئین بس دروغہ تلوار کڈھ تے اپنڑے آپ کوں مارنڑاں چاہندا ہا۔(28) پر پولوس نیں وڈی آواز نال سڈ تے آکھیا جو اپنڑے آپ کوں نقصان نہ پچا کیوں جو اساں اتھائیں ہیں۔(29) دروغہ ڈیوا منگوا تے بھج تے اندرو ں آیا تے کنمبدیں کنمبدیں پولوس تے سیلاس دے اگوں ڈھٹھا۔(30) تےانھاں کوں باہرو ں گھن آ تے انھاں توں پچھیا’’ اے صاحبو ! میں کیا کراں جو نجات پاواں ۔؟ (31) انھاں نیں آکھیا ’’ المسیح تےایمان رَکھ توں تے تیڈا گھرانڑاں نجات پیسی۔(32) انھاں نیں اونکوں تےاوندے سارے گھرانڑیں کوں المسیح دی خوشخبری دا پیغام سنڑوایا۔(33) اونیں اوں ویلے ایمان رکھ تے اپنڑے سارے لوکاں سمیت بپتسمہ گھدا۔(34) تےانھاں نیں اتے ونج تے دستر خواں وچھایا تے اپنڑے سارے گھرانڑیں سمیت المسیح تےایمان رَکھ تے وڈی خوشی منائی۔(35) جڈاں ڈینہہ تھیا تاں فوجداری دے حاکماں نیں حوالداراں دی معرفت اکھوا بھیجیا جو انھاں بندیاں کوں چھوڑ ڈیو۔(40) بس پولوس تے سیلاس قید خانےتوں نکلے تےایمانداراں نال مل تے انھاں تسلی ڈتی تےروانہ تھئے۔
دوستو ! ایں کہانڑی ءچ ساڈے پنج سوال ہین میں امید کرینداہا ں جو تہاکوں ایہہ کہانڑی بہوں چنگی لگی ہوسی۔آؤ سوال سنڑوں۔
(1)مقدس پولوس نیں رویا ءچ کیا ڈیٹھا۔؟
(2) جڈاں زلزلہ آیا تاں کیا تھیا۔؟
(3) قید خانہ دے دروغہ نیں مقدس پولس توں کیا پچھیا تےپولس نیں کیا جواب ڈتا۔؟
(4) ایں واقعہ ءچ نجات ہک مفت انعام دے طور تےنظر آندی ہے دروغہ کوں نجات پاونڑدے سوا کجھ نیں کرنڑاں پیا۔؟
(5) قید خانہ دے دروغےتےاوندے خاندان کوں کیہو جیہاں تجربہ تھیا جئیں انھاں کوں شادمانی نال معمور کر ڈتا۔؟
