گیجھاں کوں کھواونڑ دی بیوقوفی
گیجھ ہک عجیب تے گندہ پکھی ھِ نیانی باندر کھوتیاں نال نفرت رکھیندا ہا ،اوندا ہک چھوٹا سالا پلو ہا جیہڑا بالکل نادان ہا اپنڑی فطرت دے مطابق او وی آدھا ہا جو میکوں گیجھ چنگے نئیں لگدے پر انھاں دی تیز چنجھ تے صاف گردن پلو
کوں پیاری لگدی ہئی،
او ڈیدھا ہا جو کیویں گیجھ پچھ ہلیندی ھِ تے اوندے پنجے کیجھے نوکیلے تے ٹیڑھے ہوندے ہین ۔
ہک ڈینہہ پلو دے درخت دے کولھ ہک گیجھ اڈ کے ان بیٹھا ۔
پلو نیں ایڈے اوڈے ڈیٹھا کوئی ڈیدھا تاں نئیں کھڑا تےکجھ کھانڑاں اونکوں سٹ ڈتہ ۔
فوراً اوندے دل ءچ خوف تے حسد تے خوف پیدا تھی گیا ۔ تے او لگا گیا ۔ ایویں ہک ہفتہ گزر گیا روزانہ گیجھ آندے تے پلو دا کھانڑاں کھاندے ،آہستہ آہستہ اوندا شمار ودھنڑ لگیااو ایجھے ہک ڈوجھے دے یار بنڑ گئے جواو ہک درخت دی پاڑھ دے کول آ
ویندے ہن تے زبردستی پلو توں کھانڑاں منگ کے کھاندے ہن۔
پلو انھاں دا نظارہ شوق نال ڈیٹھا پر دل ءچ ڈردا ہا ۔
ڈوجھے ڈینہہ ڈوپہریں کوں پلو نیں ڈیٹھا جو گیجھ اوندے سر دے اتو ںپھردے پین ۔
تے درخت تے لہنڑ دی کوشش کریندے پین پلو کاوڑ ءچ بڑبڑاونڑ لگا تے انھاں کوں اڈاونڑاں چاہندا ہا ،تے او چیکدے تے پھڑکدے ہوئے درخت تے آ بیٹھے تے اوندے نیڑے آ کے چنجھاں مار مار کے اوندے ہتھاں توں کھانڑاں چھیک کے ڈھڈھ بھرنڑ لگے ۔
اتے کجھ بئے وی گیجھ اڈنڑ لگے تے بئے پاسو ں آندے پئے ہن او سارے اتر اتر اکے درخت تے پلو دے کولھ آ کے بہہ گئے تے اونکوں چارے پاسوں گھیر گھدا ۔
شودا پلو خوف توں ساہم گیا تے ہک شاخ تروڑ کے آپنڑے چارے پاسوں گھما کے گیجھاں کوں اڈاونڑ لگا لیکن ایں توں کجھ فائدہ نہ تھیا جنھاں گیجھاں کوں اوں کھانڑاں ماضی ءچ ڈتہ ہا او وی اوں اتے ہمت کرکے چمبڑ ن لگے ۔
آہستہ آہستہ بہوں سارے گیجھ درختاں تے اکٹھے تھی گئے تے پلو انھاں ءچ پھس گیا انھاں دیاں تیز چنجھاں اوندے جسم تے ٹھونگے مارنڑ لگیاں، اتھوں تئیں جو انھاں دیاں اکھیں تے نک تے بئے اعضا وی سارے زخمی تھی گئے پلو بے وس ہا کجھ نہ کر سگیاتے
گیجھاں نیں اوندے جسم دیاں بوٹیاں چھیک گھدیاں تے او مرنڑ لگا تے اوندے منہ ءچو ں ہک چیک نکلی پرگیجھاں دے شور ءچ سنڑائی نہ ڈتی ۔
جڈاں نیانی ڈینہہ لہنڑ ویلے گھر ولیا ، تے اوندے اپنڑے سالے دیاں ہڈیاں ہک درخت دے تلے پیاں نظرآئیاں ۔ او خوف نال بہوں ڈکھی تھیا ۔
انھاں پلیت پکھیاں نیں پلو دا سارا گوشت کھا کے اوں دیاں ہڈیاں چھوڑ ڈتیاں ۔
اتنی کہانڑی سنڑا کے داؤدی چپ تھی گیا تے سنڑنڑ آلے خوف توں کمبنڑ لگے او آکھنڑ لگا میکوں تاں رات دے ویلے خوفناک خواب ڈکھائی ڈیسین ۔
ڈوجھا بولیا ’’ میکوں ایجھا محسوس تھیندے جو جیویں گیجھاں میڈے جسم اتے چنجھاں مریندیاں ہون ۔ داؤدی پہلے تاں کھلیا ول سنجیدگی نال بولیا ’’ ڈیکھو بھراؤ!تہاڈے ءچو ں کہیں میکوں نئیں آکھیا جو خیالات دی ناپاکی انھاں دی تکلیف
دی اصل وجہ ھِ، ایں پہیلی دا سبق ایہ ھِ جو ناپاک خیالاں دا آونڑاں کوئی تعجب دی گالھ کائنی ۔
پر جے تساں انھاں خیالاں کوں خوش آمدید آکھیسو جیویں پلو گیجھاں کوں خوش آمدید آدھا تے کھانڑا کھویندا ہا ۔ تے ایہ ودھ کے تہاکوں زندگی بھر پریشان کریسن ۔ پرجے تساں انھاں ناپاک خیالاں کوں گیجھاں آلی کار نہ پالو ۔ انھاں دا دلیری
نال مقابلہ کرو تاں ایہ تہاکوں سارے چھوڑ کے بھج ویسین بہوں سارے لوکاں دی روحانی زندگی داگوشت تئیں ایہ گناہ صورت گیجھ (ناپاک خیال) چھیک چھیک کے کھا گئے ہن۔
انگوگو جیہڑاوڈے غور نال سنڑدا پیا ہا ۔اپنڑے دل ءچ آکھنڑ لگا ۔ انھاں دے پر معنی لفظاں توں میں بہوں متاثر تھیاں ۔
