چھوٹے چیتے وھدے وھدے وڈے چیتے تھی ویندے ہین۔

ہک ڈینہہ انگوگو دوا گھننڑ ہسپتال گیا تے داؤدی کوں آکھنڑ لگا ۔

جناب ۔میں اکھ اچ دوا سٹواونڑ  آیا ہاں ‘‘ داؤدی نے اوندے ڈوھائیں اکھیں اچ دوا دے قطرے سٹیندے ہوئےپچھیا ۔ڈسا بھرا تیڈے دِل دیاں اکھیں کھلیاں ہین یا کائنا ۔ ؟

انگوگو نے سر ہلا کے ظاہر کر ڈتہ جو اوندے اکھیں کھل چکیاں ہین پر اوندے منہ توں کجھ نہ نکلیا۔ داؤدی نے آکھیا تاں میں تیکوں چیتے تے چیتے دے بالاں دیاں کہانڑیاں سنڑویندا ہاں ۔

ہسپتال دے پچھوں چھاں اچ بہہ کے داؤدی نے آکھنڑشروع کیتا ۔

ہک ڈینہہ اکبر شکار دی گولھ اچ جنگل آلے پاسے ویندا پیا ہا ہک ہتھ اچ کمانڑ تے ڈوجھے ہتھ اچ بھالا ہا کنڈ تے تیراں توں بھریا ہویا تھیلا لٹکا تے او چپ چاپ لگا ویندا پیا ہا سامنڑے دی تیز ہوا اوندے منہ کوں لگدی پئی ہئ جتھاں اونکوں لمبی گھاہ
ملدی ہئی او رک ویندا ہا تے اہشیار تھی کے اوندے پچھو ں   ڈیدھا ہا ۔

ٹردے ٹردے اونکوں کجھ کھسکار سنڑائی ڈتی تے اونیں کمانڑ تے تیر چڑھا گھدا پر فوراً ای اوں اپنڑا ہتھ تلے کر گھدا ۔کیوں جو بوئی ءچوں ہک زیبرا نکلدا پیا ہا ۔ زیبرا اکبر شکاری کیتے بے کار جانور ہا ۔

اوندا نہ تاں کوئی گوشت کھاندا ھِ تے نہ اوندی کھل  کہیں کم دی ہوندی  ہے۔پریمی ایں فکر اچ ہا جو اونکوں کتھاؤں کہیں چپوی چیتا ملے تاں اوندا شکار کرے او کجھ بیا اگوں  ودھیا ۔ تے اوندے ڈوھائیں پاسو ں کنڈے دار جھاڑیاں ہن دھپ
انھاں دے وچو  ں بہوں تیز آندی پئی ہئی

تے درختاں دے رنگ بہوں زیادہ  سوہنڑے   لگدے پئے ہن ۔

پریمی دیاں اکھیں بہوں تیز ہن تے او وڈے غور نال چودھارو ں ڈیکھ کے ٹردا پیا ہا ۔

اونکوں پتہ ہا جو چپوی جیتا جلدی غائب تھی ویندا ھِ او چپ کر کے اپنڑے شکار اتے  جھپٹ پوندے ۔

سامنڑے گھاہ ہلدی  ڈیکھ کے پریمی ہشیارتھی گیا تے اوندا ہتھ چھرے آلے پاسے ودھیا لیکن فوراً ای او کھلیا تے آکھنڑ لگا ۔  اوہ ! ایہ  تاں توئیگا سر چا کے درخت دیاں ساویاں ساویاں شاخاں کھاندا پیا ہا اوندا جسم دھپ ءچ ہلکے رنگ
دا  ڈیکھائی ڈیندا ہا ۔

پریمی نے کھنگھ کے تھکیا تے  اگوں ودھیا تےآ کھنڑلگا  کجھ اگوں ونج تے راہ مڑیا  تے  اچانک رک گیا جلدی جلدی اوں نے کمانڑ تے ہک تیر چڑھایا تے ہک وڈے درخت دا آسرا گھن کے لک گیا ۔ سامنڑے پہاڑ اتے چیوی چیتا دھپ
ءچ ستا پیا ہا ۔ اوندا مضبوط جسم  ڈیکھ کے اکبر شکاری خوش تھیا تے آکھنڑ لگا کیجھا خوبصورت تے طاقت ور جانور ھِ اوندی چتکبری کھل کیجھی پیاری لگدی ھِ واقعی اوندے مارنڑ دا بہوں فائدہ ھِ۔ ایہ آکھ کے اوں نے
کمانڑ دی ڈوری کن تئیں چھکی تے نشانہ گھن کے تیر چھوڑیا ۔

وَل وی او ڈردا ہا جو کتھائیں اینویں نہ تھیوے جو نشانہ چک ونجے تے چپوی اونکوں پئے ونجے این واسطے اوں نے ہک ہتھ اچ بھالا سنبھالیا  تے ڈوجھے ہتھ اچ چھرا گھدا تے درخت دے ڈوجھے پاسوں  نکلیا ل پراوندا ڈر بے معنی ہا کیوں جو نشانہ
ٹھیک لگیا ہا تے چیوی ڈھاندا پیا ہا۔زخم دے سببوں او کنبیا تے تھوڑی دیر تڑپنڑ دے بعد اوں نے دم تروڑ ڈتہ ۔

پریمی کھلدا ہویا اوندے نیڑے گیا تے کھل لہاونڑ دا سوچنڑ لگیا۔چھرا کڈھ کے اوندی دھار انگوٹھے تے لا کے ڈٹھی تے کافی تیز ہئی کٹنڑ دی جاہ اوں نے ایجھی گولھی جئیں توں اتے آلی کھل کوں نقصان نہ پجے ۔ او اپنڑا کم شروع کرنڑ آلا ہا اچانک اونکوں ڈر
محسوس تھیا تے اوندے رونگٹے کھڑے تھی گئے خود بخود اوندا ہتھ بھالے اتے لگا گیا تے اوں نے گھم کے ڈیٹھا اوندے منہ توں نکلیا اوہ  اتھاں تاں ہک بیا چیتے دا بچہ ھِ ۔

بچہ بہوں چھوٹا ہا ایں واسطے پریمی نے اونکوں نہ ماریا  پردرخت دی چھل توں رسی بنڑا کے بال کوں اوں نال بدھ ڈتہ رسی دا سرا  درخت نال بدھ کے او اپنڑے کم اچ وَل مصروف تھی گیا جڈاں چپوی دی کھل لہا گھدی تاں بال کوں درخت توں کھول کے
اپنڑی کنڈا  تے چا گھدا بئے مونڈھے اتے اوں کھل اینویں  لٹکائی جو سر دی کھل  تلے لٹکدی  پئی ہئی ۔تے ایویں اپنڑے کم اچ کامیابی حاصل کر کے  پریمی  دلوں خوش تھی کے گھر ولیا ۔ راہ  ء چ او ہ  سوچیندا
ویندا ہا ایہ  چتکبری کھل وڈی قیمتی وکسی تے میکوں بہوں سارے پیسے ملسین اوں نے ایہ  وی ارادہ کر گھدا جو انھاں پیسیاں نال کیا چیزاں گھنساں ۔خیالی پلاؤپکا کے اوں نے دل اچ سوچیا میں دلیر تے طاقتور  شکاری ہاں میڈے ہتھ اچ ہنڑ
بہوں ساری دولت ہو سی  میں امیر بندا بنڑ کے وڈے سکون دی زندگی گزریساں ۔

اپنڑی ایں کامیابی دا گیت گاندا ہویا اپنڑے  دیہات  اچ       پجیا تاں اونکوں بالاں نے گھیر گھدا ۔کوئی  ٹپدا کوئی   چیخدا تے چتکبری کھل کوں ڈیکھ کے حیران تھی ویندا ہا ۔

ایڈے ڈیکھو کیجھی پیاری پیاری چھوٹی چھوٹی چیز ھِ ایندیاں اکھیں کیجھیاں چمکیلیاں ہین شکاری وڈے لوکاں دے کولھ ونجنڑلگا تاں بال تاڑیاں مریندے ہوئےاو ندے  پچھوں آویندے ہن اے کیجھا پیارا کھڈونڑا ھِ اساں اوندے نال کھیڈسوں ۔ دیہات دے سردار
نے جڈاں سنڑیا جو شکاری نے ہک قد آور چیتا ماریا ھِ تے وڈے ادب دے نال اونکوں ملیا تے اوندے حوصلے تے ہوشیاری دی تعریف کرنڑ لگیا۔جڈاں اوں نے مڑ کے ڈیٹھا تاں اوندی نگاہ چیتے دے ہک بال ا تے پئی او فوراً رُکیا تے اپنڑا بھالا سنبھلیندا ہویا
بولیا ایہ  چھوٹا چیتا تاں دیہات  اچ بد امنی دی نشانی ھِ کیوں جو چھوٹے چیتے وھدےوھدےوڈے تھی ویندے ہن تے انساناں دیاں جاناں گھننڑ لگدے  ہن ۔ ایہ سنڑ کے بالاں نے  منت کر  کے آکھیا نہ جناب ایں چیتے کوں نہ مرائے ۔
ایہ تاں بہوں بھولا ھِ ۔ڈیکھو ایہ  کیویں ساڈے  ہتھوں  حلوہ کھاندا ھِ اوندے اکھیں اچ رحم بھریا ھِ اوندے پنجے تے ڈندبہوں چھوٹے ہین ایہ کوئی نقصان نی   ڈے سگدا ‘‘

شکاری نے آکھیا ’’ ہاں جناب ‘‘ ایہ  خطرناک چیتا نئیں  اے تاں صرف ہک چھوٹا بال ھِ  ۔سردار جیہڑا خود وی شکار دا ماہر ہا آکھنڑ لگا ’’ میں ایہ  تاں منیندا ہاں پر ایہ  وی تاں سچ ھِ جو چھوٹے چیتے وھدے وھدے وڈے تھی
ویندے ہین تے جڈاں او وڈے تھی ویندے ہین تے انساناں دیاں جاناں گھننڑ لگدے ہن ، ایں واسطے عقل توں کم گھنو ۔

پرکوئی ایں گالھ تے راضی نہ تھیا تے چیتے دا بچہ آزادی نال دیہات  اچ راہنڑ لگا بال ہر روز اونکوں کھڈیندے تے حلوہ پوڑی کھویندے ہن آہستہ آہستہ او ودھنڑ لگا اوندے ڈند تے پنجے کجھ وڈے تھیونڑ لگے  پر  اوندے اکھیں اونویں  ای
پر امید ہن انہاں اچ غصہ کڈھائیں نہ آندا ہا بال اوندے کن تے پچھ چھکیندے ہن چیتا انھاں کوں کجھ نہ آہدا ہا تے اونویں  ای اونکوں حلوہ پوڑی کھویندے تے جڈاں اونکوں کئی مہینے گزر گئے تے او کجھ موٹا تے وڈا تھی گیا اوندے ڈند تے پنجے لمبے
تھی گئے کھل دے نشان وڈے تے چمکدار تھی گئے وَل وی او بالاں دے نال اونویں ای کھیڈدا ہا تے کاوڑ کڈھائیں نہ کریندا ہا کجھ ڈینہاں دے بعد  دیہات دا سردار اکبر پریمی دے گھر آیا ۔اوندا چھرا اوندی چیل دے نال لٹکدا پیا ہا