چوری دی سزا
وَل داؤدی کہانڑی سنڑاونڑ کیتے کھڑا تھیا تاں پہلے اونیں بھونہہ اتے ایہ لکھیا ۔گنتی 32۔23 ۔
اونیں دوستاں کوں آکھیا واقعی 2یا 3 گنتی دے ہندسے ہین ۔
داؤدی نیں جواب ڈتہ ایویں 3تے 2 وی ہندسے ہین ۔
ایہ سنڑ تے انگوگو دے علاوہ سبھ کھلنڑ پےگئے ۔
داؤدی کھل کے بولیا ’’ 23 ہک گنتی ھِ تے 32 وی گنتی ھِ لیکن ایہ گنتی تاں ہک پہیلی ھِ ہنڑ میڈی ہک کہانڑی سنڑو ۔
مشکی ناگ ہمیشہ بکھا رہندا ہا ۔ اوندا ڈھڈھ کڈھائیں بھریندا نہ ہا ۔
ہک ڈینہہ اونیں اپنڑی ذال کوں شکایت کیتی جو میکوں کڈھائیں ڈھڈھ بھر کے روٹی نئیں ملی ۔
اوندی ذال نیں بجلی آلی کار زبان باہرو ں کڈھ کے جواب ڈتہ وَل تساں اپنڑے کیتے روٹی کیوں نئیں گولھیندے ؟
مشکی ناگ نیں شوکیدیں ہوئیں آکھیا ۔ ہاں میں ایں مسئلے کیتے بہوں سوچیندا وداں ۔ تے ہنڑ میں اپنڑی روٹی خود گولھیساں کیوں جو بھکھ دے اگوں کوئی وس نئیں چلدا ۔
اوندی ذال نیں منہ بنڑا کے آکھیا ۔ ذرا ہوشیار راہویں ایویں نہ ہوے جومصیبت اچ پے ونجیں ۔ کیوں جو جتھاں کھاونڑ دا سوال آندے اتھاں تیڈی عقل ماری ویندی ھِ ،
مشکی ناگ بولیا۔ ڈر نہ میں مصیبت اچ نہ پوساں تے ایجھا کم کریساں جائیں ءچ کوئی خطرہ نہ ہوے ۔
ذال نیں زہر اگلیندیں ہوئےآکھیا ۔ اے تاں میکوں وی پتہ ھِ
مشکی ناگ نیں اوندی طعنہ بھری آواز ٹال ڈتی عورتاں ایویں ای بکواس کریندیاں ہین۔
ایہ آکھ کے اکبر شکاری دے گھر دے طرفوں روانہ تھی گیا ۔
اکبر شکاری ہک تروٹےہوئے گھر ءچ راہندا ہا ۔
جیندے کندھاں دی مٹی دھپ تے اندھاری دی وجہ توں کہیں کہیں جاہ توں ڈھے پئی ہئی اوندے پوتر دے کول ست مرغیاں ہن جنھاں ءچو ں ہک دا ناں ککو ہا ۔
اوں ڈینہہ ککو نیں انڈے ڈیونڑ شروع کیتے ہن ۔
او پہلا انڈہ ڈیونڑ دے بعد کجھ ڈوہڑا گاندی پئی ہئی ۔
اوڈو ںمشکی ناگ اکبر شکاری دے گھر دے کول اپڑ گیا ہا تے اندرو ونجڑ دا راہ گولیندا پیا ہا ۔
اونیں ککڑ دا گانڑا سنڑیا تےخوش تھی کے بولیا میڈے ڈھڈھ بھرنڑ دا ذریعہ نکل آیا ھِ اوندا ڈھڈھ خالی ہا تے او بکھ توں بے چین ہا او بکھ توں بے چین ہا اکھیاں جھمکیندے ہوئیں تے زبان لپیندیں ہوئیں او جلدی جلدی دیوار دے نیڑے اپڑیا تے
ہک چھوٹا جیہاں سوراخ ڈیکھ کے اوندے ءچ گھسنڑ لگا ۔
او سوراخ اتنا تنگ ہا جومشکی ناگ دا جسم وڈی مشکل نال پھس کے نکللیاجیویں ای او اندر وڑیا اونیں گودام دے کولھ ہک تازہ انڈہ ڈیٹھا او خوشی توں پھلنڑ لگا ۔
او فوراً انڈے کوں نگل گیا ثابت انڈہ جڈاں گلھے توں تلے لتھاتاں مشکی ناگ دے ڈھڈھ دا اتنا حصہ پُھل گیا ،تے انڈے دی شکل آلی کار ابھرنڑ لگا ۔
مشکی ناگ چپ چاپ اتھوں لگا گیا ۔ لیکن جڈاں او سوراخ ءچ وڑنڑ لگا اوندا سر تاں باہرو لگا گیا لیکن ڈھڈھ پھس گیا تے او نہ نکل سگا ۔
مشکی ناگ کوں ہک ترکیب آئی او زور زور نال ڈھڈھ کوں ہلاونڑ لگا۔
جڈاں اوں زور لایا تاں انڈہ دیوار نال لگ کے پھٹ گیا تے انڈے دی گُلی مشکی ناگ دےڈھڈھ ءچ کھنڈ گئی ۔
وَل مشکی ناگ دا ڈھڈھ چپک گیا تے او آسانی نال سوراخ دے باہر نکل کے اپنڑے گھر آلے پاسو ں نکل گیا ۔
جیویں ڈھڈھ بھر کے سکون نال نیندر آندی ھِ اونویں ای مشکی ناگ کوں آ گئی تے او ہک درخت دے پاڑاں نال ولے مار کے بے خوف سم گیا ۔
کجھ دیر دے بعد اوندی ذال نیں آ کے اونکوں جگایا تےچڑیندے ہوئے اوں توں پچھیا ’’ کیوں جی تساں کیا کریندے پےہاوے تے کتھاں گئے ہاوے کیا کہیں مصیبت ءچ پھس گئے ہاوے ۔
مشکی ناگ کاوڑ نال بھریج کے اُٹھدے تے زبان چٹیندے ہوئےبولیا تہاکوں ایندے نال کیا مطلب میکوں جیہڑی سمجھ آندی ھِ میں اوہو کریندا ہاں ۔
اج میں خوشی دے گیت گاندا پیاں ۔ کیوں جو میڈا ڈھڈھ بہوں بھریا ہویا ھِ جڈاں توں میڈے کیتے کھانڑاں پکیندی ہاویں تاں میں اَدھ بکھا رہندا ہم۔
ذال نیں زہر آلودہ الفاظ ءچ جواب ڈتہ ’’ جیہاں میں کھانڑا ڈیندی ہامی او وی جانڑدے ہیوے تےایہ وی ۔ اگر ہوشیار نئیں راہونڑاں تاں ضرور تکلیف چیسو تہاڈی عقل تاں محض ڈکھاوے دی ھِ ۔
مشکی ناگ کِھل کے چپ تھی گیا اونداڈھڈھ بھریا ہا کیوں کہ اونیں انڈہ کھادہ ہویا ہا ۔ پراوندی ذال الیندے الیندے نہ تھکی ۔
اگلے ڈینہہ مشکی ناگ نیں ککو ککڑ دا گاونڑاں ولا سنڑیا تے سمجھ گیا ڈوجھا انڈہ تیار ھِ ۔
او اکبر شکاری دے گھر آلے پاسے گیا اوں سوراخ توں تھیندا ہویا انڈے دے کول اپڑیا فوراً اونیں اونکوں کھا گدا تے خوشی منیندا ہویا واپس آیا ۔دیوار دے سوراخ دی پہیلی دی مشکل اونیں دور کیتی تے درخت دے تلے آ تے آرام نال بہہ گیا ۔
کجھ دیر بعد اوندی ذال آئی تے شوکیندی ہوئی بولی ۔
ڈیکھو تساں میڈی گالھ دا دھیان رکھو تہاڈے اتے کوئی مصیبت آونڑ آلی ھِ جے تساں ایجھا ای کم کریندے ریہے جیویں ہنڑ کریندے پے ہیوے تاں کڈھائیں نہ کڈھائیں ضرور پکڑے ویسو ۔
مشکی ناگ اکھیں بند کر کے پیا ریہا اوندے کناں تئیں اوندی ذال دی گالھ نہ اپڑی کیوں جو او تاں آرام نال مست پیاہا ۔
تریجھے ڈینہہ ایو یں تھیا جومشکی ناگ نیں ککڑ دا ڈوھڑا سنڑیا تے فوراً ونج تے انڈہ کھا گھدا۔
اوں راہ توں وَل تے درخت دے تلے ونج کے لیٹ گیا ۔
اوندی ذال نیں اونکوں وَل اٹھایا تے دڑکایا ۔
مشکی ناگ نیں اپنڑے دل ءچ آکھیا اے تاں ہمیشہ بکواس کریندی راہندی ھِ بھلا میڈے کم ءچ کیا خطرہ ھِ ؟
چوتھے ڈینہہ اونیں اوندا انڈہ چوری کر کے کھایا تے مست تھی کے سم گیا ۔
جڈاں پنجواں ڈینہہ تھیا تاں پریمی دے پوتر نیں اپنڑے پیو کوں آکھیا ۔
ابا جی : ککو ککڑ دا ڈوہڑاتاں میں ہر روز سنڑائی ڈیندےپر کوئی انڈہ نظر نئیں آندا ایں ءچ کوئی راز ضرور ھِ میں کل ہوشیار رہ کے پتہ کریساں ۔
اگلے ڈینہہ جڈاں ککو نیں انڈہ ڈتہ ت تے ڈوہڑا گایا تاں اوچھوہرکنڑک دے گٹھے پچھوں لک گیا۔
مشکی ناگ جیں ویلےڈوہڑا سنڑیا تاں حسبِ معمول لپکیا تے ایڈے اوڈے ڈھٹھا تے وڈے آرام نال گھر دے اندر اپڑیا انڈہ چاتا تے فوراً کھا کے واپس ولیا او بہوں مسرور ہا تے سوچیندا ویندا ہا جو اے کم وڈا احسان ھِ تے ایں ءچ خطرے دا کوئی امکان کائنی ۔
لیکن اونکوں معلوم نہ ہا جواکبر شکاری نیں اوندی ساری حرکت ڈیکھ گھدی ہئی تے ایہ وی ڈیکھ گھداھِ جو او کیہڑی چالاکی نال اوں سوراخ ءچوں نکلدے۔
مشکی ناگ خوشی نال گھر اپڑیا اوندی ذال نیں بالاں کوں آکھیا ڈیکھو تہاڈا پیٹو پیوآ گیا ھِ ۔
او نادان ھِ پر خطر ناک کم کریندا ھِ ۔ کہیں ڈینہہ او پکڑیا ویسی تے سخت مصیبت ءچ پھس ویسی نتیجہ تساں جانڑدے ہیوے۔
اے سنڑ کے مشکی ناگ بھج کے اپنڑی ذال دے کن تے جما کے ڈو ترے چاٹاں لائیاں ۔ چپ رہ بکواس نہ کر ۔
اتھاں اکبر شکاری تے اوندا پوتر مشکی ناگ کوں پکڑنڑ دی ترکیب سوچیندے پے ہن اگلے ڈینہہ انھاں نیں ہک ڈوجھا انڈہ گھدا اونکوں پانڑی دے کٹورے ءچ رکھ ڈتہ تھوڑی دیر ءچ انڈہ ابل گیا تے اندر وں سخت تھی گیا ۔
جڈاں ککو نیں چھٹا انڈہ ڈتہ تےاو ڈوہڑا گاونڑ لگا تے مشکی ناگ آ موجود تھیا ۔ اکبر شکاری نیں تازہ انڈہ چا گھدا اوندی جاہ ابلیا ہویا انڈہ رکھ ڈتہ ،ڈیکھنڑ ءچ سارے انڈے ہکو جیہے ہوندے ہین لیکن ابلیا ہویا انڈہ اندروں سخت ہوندے ۔
مشکی ناگ نیں ایڈے اوڈے نہ ڈھٹھا او سدھا انڈے دے کول آیا اونکوں معلوم نہ ہا اکبر شکاری تے اوندا پوتر لکے بیٹھے ہین انھاں دے ہتھ ءچ ہک موٹا ڈنڈا وی ھِ ۔
اج اونکوں بہوں بکھ لگی ہئی ایں واسطے اونیں فوراً انڈہ نگل گھداانڈہ کجھ گرم ہا اوں سمجھیا اج ککڑ کوں بخار تھیا ہویا ھِ ۔ جیں ویلےاو باہرو ں نکلنڑ کیتے دیوار دے سوراخ ءچ وڑیا تاں ڈھڈھ دا انڈہ پھس گیا اوں بہوں زور ماریا
مگر انڈہ نہ پھٹیا اونیں دل ءچ سوچیا کیا گالھ ھِ اج انڈہ اتنا سخت ھِ بار بار او اونکوں دیوار دے نال ٹکرانونڑ لگا مگر ابلیا ہویا انڈہ کتھاں تروٹدا ۔
کاوڑ ءچ آ کے حد توں باہر تھی گیا تے اپنڑے سرتے پچھ مارنڑ لگا ۔
اکبر شکاری تے اوندا پوتر کھلدے ہوئیں اوندے کول گئے ۔
اوئے یار انڈے چوری کرنڑ آلی دوا وڈی کوڑی گولی ھِ اوندانگلنڑ اسان کائنی ۔
ایہ آکھ کے اکبر شکاری نیں اوندی چیل ءچ سوٹا ماریا تے او بس ۔
شام کوں مشکی ناگ نیں ڈھٹھا جو لگڑبھگااوندے پیو دی لاش کوڑے ءچوں چا تےویندا پے ۔
ماءنیں انھاں کوں سمجھایا ۔ ڈیکھو بالو ! اپنڑے پیو جیہےکم نہ کرائے اوں کئی پھیری چوری کیتی تے آدھا ہا میکوں کوئی خطرہ کائنی ۔ اوندا اج تساں نتیجہ ڈیدھے ہیوے جو او لگڑ بھگے دے منہ ءچ ھِ ۔
اتنی کہانڑی آکھ کے داؤددی دوستاں کوں آکھنڑ لگا ’’ تسان گناہ کر کے بچ نئیں سگدے ۔
پاک کلام دے الفاظ ایہ ہن ۔
ایہ سوچ گھنو تہاڈا گناہ تہاکوں پکڑیسی ۔
سنڑنڑ آلیاں ءچو ں ہک نیں پچھیا ’’ کیہڑی کتاب ءچ لکھیا ہے؟
داؤدی نیں جواب ڈتہ ’’ گنتی ناں دی کتاب ءچ جیہڑا رب تعالیٰ دا کلام ھِ ڈیکھو باب 32۔ تے آیت 23 ایہو ای ایہ پہیلی ہئی ۔
داؤدی دے گھر دے باہر انگوگو فکر ءچ بڈیا ہویاالایا ۔
میڈا گناہ میکوں ستیندا ھِ میں کیا کراں ؟‘‘
داؤدی نیں جواب ڈتہ انگوگو تساں خود اپنڑے کیتے کجھ نئیں کر سگدے ، پر ایندے کیتے ہک ذریعہ ھِ جیہڑا میں اگوں ونج کے ڈسیساں ۔
