رومی صوبیدار (متی ۸ باب)

(تعارف)  میڈے  بھراؤ  !میں  امید  کرینداہا  ں جو  تساں  خیریت  نال  ہوسو  اج  اساں  تہاکوں  رومی  صوبیدار  دے  خادم  کوں  شفاء  ڈیونڑ دے بارے ءچ ڈسیسوں ۔  المسیح   نیں اونکوں  کیویں  شفاء  ڈتی  جئیں   توں  ایہہ   گالھ ثابت  تھیندی  ہے  جو  خدادی  بادشاہی  دی  قدرت  محض  یہودیاں  تئیں   محدود  کائنی۔(متی ۸  باب ۵  تا  13آیت)

(۵)  جڈاں  المسیح کفر  نحوم  ء چ  داخل   تھیاء  تاں  ہک  صوبیدار  اوندے  کولھ  آیا  تےاوندی  منت  کر تے  آکھنڑ  لگا  جو۔(۶)  اے  مالک  میڈا  نوکر  فالج  دا  ماریا  گھر  ء چ  پیاء  ہے  تے  بہوں   تکلیف  ء چ  ہے۔(۷) المسیح نیں  اونکوں  آکھیا  میں  آتے  اونکوں  شفاء  ڈیساں۔(۸)  صوبے  دار  نیں  جواب  ء چ  آکھیا  مالک  میں  ایں  لائق  نیں جو  توں  میڈی  چھت  دے  تلے  آنویں  توں    صرف  زبان  نال  آکھ  ڈے تاں  میڈا  نوکر  شفاء  پا  ویسی۔(۹)  کیوں  جو  میں  وی  ڈوجھے  دے  اختیار  ء چ  ہاں  تے  سپاہی  میڈے  ماتحت  ہَین  تے جڈاں  ہک  کوں  آہدھاں  جو  توں  ونج  تاں اوہ   ویندے  تےڈوجھے  کوں  آہدھاں  توں  آ  تاں  او  ہ آندے  اپنڑے  نوکر  کوں  آہدھاں  توں  ایں  کر  تاں  او ہ کریندے۔(10)  المسیح  نیں  سنڑ  تے  تعجب  کیتا  وَل  پچھو  ں آونڑ  آلیاں  کوں  آکھیا  میں  تہاکوں  سچ  آہدھاں  جو میں  اسرائیل   ءاچ وی   ایجھا    ایمان  نیں   ڈیٹھا۔(۱۱)  وَل  میں  تہاکوں  آہدھاں  جو    بہوں  سارے  لوک  مشرق  توں  آ  تے  ابراہام  اضحاق  تےیعقوب  دے  نال  آسمان  دی  بادشاہی  ء چ  شریک  تھیسن۔(12)  پر  بادشاہی  دے  پوتر   باہر  اندھارے  ء چ  سٹے  ویسن  اتھاں  رونڑاں  تےڈند

پیہو  ونڑاں  ہوسی۔(13)  وَل  المسیح  نیں  صوبے  دار  کوں  آکھیا  ونج  جیویں  تیں  اعتقاد  کیتے  تیڈے  کیتے   اونویں  ای ہووے  ۔ وَل  اوں   ویلے ای اوندے  نوکر نیں   شفاء  پاتی  ”۔

میڈے  بھراؤ  !میں  امید  کرینداہاں  جو  تساں  خیریت  نال  ہوسو  تےایہہ  کہانڑی  تہاکوں  بہو ں  چنگی  لگی  ہوسی  تہاکوں  پتہ  ہے  جو  کہانڑی  دے  آخر  ء چ ساڈے  سوال  ہوندن    تساں  ساکوں  ضرور  جواب  ڈیسو۔

(۱)  المسیح  نیں  رومی  صوبہ  دار کوں کیا  آکھیا  ؟

(۲)  ایہہ   واقعہ  کیا  ظاہر  کریندے  جو  المسیح  دنیا  دی  مختلف  قوماں  کوں  کیہڑی  نگاہ  نال  ڈیدھے  ہَین؟