پنج ہزار لوکاں کوں روٹی کھواونڑاں (مرقس ۶ باب)
میڈے بھرا ؤ !اج اساں تہاکوں المسیح دے بارے ءچ ڈسیسوں جو انھاں پنج ہزار لوکاں کوں کیویں روٹی کھوائی جیندے ء چ صرف پنج ہزار مرد ہَن ایں معجزے نال اساں سارے برکت پِیسوں ۔ آؤ اساں مکمل کہانڑی سنڑوں ۔
(30) شاگرد المسیح دے کولھ آئے۔(32) وَل او ہ سارے ہک بیڑی ء چ بہہ تے ہک ویران جا ہ تنہائی ء چ لگے گئے۔(33) لیکن لوکاں نیں انھاں کوں ویندے ڈیکھ گھدا وَل بہوں سارے لوک بھج تے اوں توں پہلے اتھاں ونج پجے۔(34) جڈاں المسیح اتھاں پجےتاں اونیں لوکاں دی ہک وڈی بھیڑ ڈیٹھی وَل اونکوں انھاں اتے ترس آیا کیوں جو اوہ اینویں ہَن جیویں آجڑی دے بغیر بھیڈاں تے او ہ انھاں کوں بہوں ساریاں گالھیں سیکھاونڑ لگے۔(35) جڈاں ڈینہہ لہہ گیا تاں شاگرداں نیں المسیح کوں آکھیا۔(36) اِنھاں کوں ونجنڑ ڈے تاں جو اوہ ونج تے اپنڑے واسطے کجھ کھانونڑ کیتے مُل گھنن۔(37) المسیح نیں جواب ڈتا تساں اِنھاں کوں کھانونڑ کیتے ڈیسو اُنھاں آکھیا کیا اساں ڈو سو دینار دیاں روٹیاں مل گھن گھنوں تےانھاں کوں کھواؤں؟۔(38) اوں نیں انھاں کوں آکھیا تہاڈے کولھ کتنیاں روٹیاں ہِین انھاں آکھیا پنج روٹیاں تے ڈو مچھیاں۔(39) المسیح نیں انھاں ساریاں کوں حکم ڈتاجو سارےٹولیاںبنڑا کے ساوی گھاہ اتے بہہ ونجو۔(40) او ہ سو سو تے پنجھا پنجھا دیاں قطاراں بنڑا تے بہہ گئے۔(41) اونیں پنج روٹیاں تے ڈو مچھیاں گھدیاں تے آسمان دو ڈیکھ تےانہاں کوں برکت ڈتی تے روٹیاں بھَن تے شاگرداں کوں ڈیندا گیا جو او ہ لوکاں ء چ ونڈن۔(42) ساریاں نیں کھادا تے کھا تے سیر تھی گئے۔(43) وَل انھاں نیں ٹکڑیاں نال بھریاں ہویاں بارہاں ٹوکریاں چاتیاں۔(44) تے کھانونڑ آلے صرف پنج ہزار مرد ہَن۔(46) وَل لوکاں کوں رخصت کرنڑ دے بعد المسیح پہاڑا تے دعا کرنڑ لگا گیا۔
میڈے بھراؤ !میں امید کرینداہاں جو تساں ایں کہانڑی کوں دل لا تے سنڑیا ہوسی۔تے اج دی کہانڑی ء چ ساڈے چار سوال ہِین۔
(۱) المسیح کوں لوکاں دی کیا حالت نظر آندی پئی ہئی؟
(۲) ڈو مچھیاں تے پنج روٹیاں نال کتنے لوکاں نیں کھانڑاں کھادا ہا ؟
(۳) بچیاں ہویاں روٹیاں نال کتنیاں ٹوکریاں بھریاں گیاں؟
(۴) تصور کرو جو المسیح ہجوم کوں کیویں رخصت کریندا پیا ہوسی؟
