فریسیاں دی منافقت (متی ۱۵ باب)
تعارف ۔ میڈے بھراؤ ا!ج میں تہاکوں فریسیاں دی منافقت دے بارے ءچ ڈسیساں۔تساں سجنڑاں کوں صاف پتہ ہوونڑا چاہیدے جو فریسی ہک قوم ہے۔یسوع المسیح نیں انھاں کوں آکھیا تساں اپنڑی روایات دِی خاطر خدا دے حکم کوں ٹال ڈیندے ہیوے۔
(۱) اوں ویلے فریسیاں تے فقہیاں نیں یروشیلم ء چ یسوع دے کولھ آتے آکھیا جو۔(۲) تیڈے شاگرد بزرگاں دی روایات کوں کیوں ٹال ڈیندے ہن جو کھانڑاں کھاونڑ ویلے ہتھ نیں دھوندے۔(۳) اوں نیں جواب ء چ انھاں کوں آکھیا تساں اپنڑی روایات نال خدا دا حکم کیوں ٹال ڈیندے ہیوے؟۔(۴) کیوں جو خدا نیں فرمایا ہے جو توں اپنڑے پیو دی تے اپنڑی ماں دی عزت کر تے جیہڑا کوئی اپنڑے پیو یا ماں کوں برا آکھے او ہ ضرور جانو ں ماریا ویسی۔(۵) پر تساں آہدھے ہیوے جیہڑا کوئی اپنڑے پیو یا اپنڑی ماں کوں آکھے جو جیہڑی چیز دا تیکوں میڈے کولھوں فائدہ تھی سگدا ہئی او ہ خدا دی تھی گئی ہے۔(۶) تاں جو اوہ اپنڑے پیو دی عزت نہ کرے بس تساں اپنڑی روایات دے نال خدا دے کلام کوں رد کر ڈتے۔(۷) اے ریا کارو یسعیاہ نبی نیں تہاڈے حق ء چ کیا نبوت کیتی۔(۸) جو ایہہ امت زبان نال تاں میڈی عزت کریندی ہے پر انھاں دا دِل میں توں دور ہے۔(۹) ایہہ بے فائدہ میڈی پرستش کریندے ہن کیوں جو انسانی احکام دِی تعلیم ڈیندے ہَن۔ (10) وَل یسوع نیں لوکاں کوں کولھ سَڈ تے آکھیا سنڑو تے سمجھو۔(۱۱) جیہڑی چیز منہ ء چ ویندی ہے او ہ بندے کوں ناپاک نیں کریندی پر جیہڑی منہ ء چوں نکلدی ہے اوہ بندے کوں نا پاک کریندی ہے۔ (12) یسوع دی ایہہ گالھ دے پچھوں شاگردان نے آ کے آکھیا کیا تو جانڑدا ہیں کہ تیڈی گالھ پاروں ٹھوکر کھدی ہے۔16 یسوع نیں آکھیاتُساں وی اجے تک بے سمجھ ہیوے۔17۔یا تساں نیں سمجھدے جو جیہڑا کجھ منہ ءچ ویندا ہے او ہ پیٹ ء چ ویندا ہے تے مذبلہء چ سَٹیا ویندا ہے۔(18) پر جیہڑیاں گالھیں منہ ءچوں نکلدیاں ہَن او ہ دِل ء چوں نکلدیاں ہن تے اوہو بندے کوں ناپاک کریندیاں ہن ۔(19) کیوں جو برے خیال خونریزیاں ،زنا کاریاں حرامکاریاں چوریاں جوٹھے گواہیاں بد گوئیا ں دِل ء چوں نکلدیاں ہن۔(20) ایہے گالھیں ہَن جیہڑیاں بندے کوں ناپاک کریندیاں ہن پر بغیر ہتھ دھوتے کھانڑاں بندے کوں نا پاک نیں کریندا ۔
(۱) یسعیاہ نبی دی نبوت دے مطابق یسوع نیں کیا فرمایا جو ایہہ فریسی کریندے پئے ہَن؟
(۲) یسوع نیں کیا فرمایا جو کیہڑیاں چیزاں انسان کوں ناپاک کریندیاںہن؟
(۳) یسوع نیں کیا فرمایا جو کیہڑیاں چیزاں انسان کوں ناپاک نیں کریندیاں ہن؟
(۴) فریسی یروشیلم توں اتنی دور یسوع دی مخالفت کرنڑکیوں آئے ہَن؟ انھاں دا مسلہ کیا ہا۔؟
