نیک سامری (لوقا ۱۰ باب)
(تعارف)میڈے بھراؤ !میں امید کرینداہاں جو تساں خیریت نال ہوسو اج میں تہاکوں نیک سامری دی کہانڑی سنڑویساں ۔یہودیاں کوں سکھایا ویندا ہا جو سامری حقیر ہَن پر یسوع دا نظریہ مختلف ہا۔(لوقا:10:باب) (25) ڈیکھو ہک شرع دا عالم یسوع دے کولھ آیا تےآ تے اوندی آزمائش کرنڑلگا جو اے استاد میں کیا کراں جو ہمیشہ دی زندگی دا وارث بنڑاں۔(26) یسوع نیں اونکوں آکھیا توریت ء چ کیا لکھیا ہے؟ توں کیا پڑھدا ہیں ۔(27) اونیں آکھیا جو اپنڑے خدا نال اپنڑے سارے دِل تے اپنڑی ساری جان تے اپنڑی ساری طاقت تے اپنڑی ساری عقل نال محبت رکھ تے اپنڑے ہمسائے نال اپنڑے برابر محبت رکھ ۔(28) یسوع نیں اونکوں آکھیا تیں ٹھیک جواب ڈتے اینویں کر توں جیسیں پیا۔(29) پر اوں نیں اپنڑے آپ کوں راستباز کھڑاون دی غرض نال یسوع توں پچھیا۔وَل میڈا ہمسایہ کونڑ ہے۔(30) یسوع نیں جواب ء چ آکھیا ہک بندا یروشلیم توں یریحو آلے پاسے ویندا پیا ہئی جو ڈاکوواں دے ہتھ آگیا ۔(31) انھاں نیں اوندے کپڑے لہا گھدے ماریا تے اَدھ مویا چھوڑ تے لگے گئے اتفاق نال ہک کاہن اوں راہ تے ویندا پیا ہا او اونکوں ڈیکھ تے کترا کے لگا گیا۔(32) اینویں ای ہک لاوی دے قبیلے دا نوکر اوں جاہ آیا او ہ وی اونکوں ڈیکھ تے کترا تے لگا گیا۔
۳۳ ۔ول ہک سامری سفر کریندے ہوئے اتھاں آ نکلیااونکوں ڈیکھ تے ترس کھادا تےاوندے کولھ آ تے اوندے زخماں کوں تیل لایا تے دوائی لا تے بدھیا تے اپنڑے جانور اتے سوار کرتے سرائےءچ گھن گیا تے اوندی خبر گیری کیتی ۔۳۵ تے ڈوجھے ڈینہہ ڈو دینار کڈھ تے سرائے دےمالک کوں ڈتے تے آکھیا ایندی خبر گیری کریں تےجیہڑا کجھ انہاں توں زیادہ خرچہ تھیوے میں وَل تے تیکوں ادا کر ڈیساں ۳۶ وَل یسوع المسیح نیں اوں کنوں پچھیا انھاں تریہاں ءچو اوں بندے دا جیہڑا ڈاکوواں دی زد ء چ آ گیا ہا تیڈے خیال ءچ کونڑ ہمسایہ بنڑیا ۔۳۷ اونیں آکھیا اوہ جیں اوندےا تےرحم کیتایسوع المسیح نیں آکھیا ونج توں وی اینویں ای کر۔
۱۔یسوع المسیح دے مطابق اوں زخمی بندے دا ہمسایہ کونڑ ہا ۔؟
۲ ۔ یسوع المسیح نیں ہک سامری کوں ایں واقعہ دے نیک بندے دے طور تے کیوں پیش کیتا؟
۳ ۔عالمِ شرع اپنڑی زبان توں لفظ سامری کیوں ادا کرنڑاں نہ چاہندا ہا ۔؟
۴ ۔ یسوع المسیح نیں فرمایا ونج توں وی اینویں ای کر ،ایندا کیا مطلب ہے ؟
۵ ۔ ساڈے اندروں کیہڑے قسم دا تعصب ہے جیں توں ساکوں آزاد ہونڑدی ضرورت ہے؟
