مریم تے مارتھا لوقا۱۰ باب

(تعارف) اج میں دوستاں کوں مریم تے مارتھا دے بارے ءچ کہانڑی سنڑویسا ں     تےمیں امید کرینداہا ں جو تساں دوستاں کوں ایہہ کہانڑی بہوں چنگی لگسی‘‘

(38)وَل جڈاں یسوع  تے شاگرد ویندے پئے ہَن تاں او ہ ہک شہر ء چ داخل تھئے مار تھا ناں دی ہک عورت نیں یسوع کوں اپنڑے گھر ء چ آنونڑ دی دعوت   ڈتی۔(39) مارتھا دی ہک بھینڑ  ہئی جیندا ناں مریم ہا او ہ یسوع  دے پیراں دے کولھ بہہ تے اوندا کلام سنڑدی پئی ہئی۔(40) لیکن مار تھا خدمت کریندے کریندے گھبرا گئی بس مار تھا یسوع دے کولھ آتے آکھنڑ لگی اے مالک کیا تیکوں خیال نئیں  جو میڈی بھینڑ نیں  خدمت کرنڑ  ء چ میکوں کلھا چھوڑ ڈتا  ہے بس اونکوں حکم ڈے جو او ہ میڈی مدد کرے۔(41) یسوع  نیں   اونکوں  جواب ڈتا  مارتھا توں تاں بہوں ساریاں چیزاں  دی فکر کریندی ہیں پرہک چیز ضرور ہے جو مریم نیں  او ہ چنگا حصہ چنڑگھدا ہے جیہڑا اوں توں کھسیا نہ ویسی۔۔۔۔’’

(1) مار تھا جڈاں پریشان لگدی پئی ہئی تاں اونیں  یسوع کوں کیا آکھیا؟

(2) اج کل دے دور ء چ تساں تے   میں کیہڑیاں کیہڑیاں چیزاں توں متاثر تھی سگدے ہَیں؟

(3) معاشرتی اقدار دی مناسبت ءچ کیہڑی بھینڑٹھیک ہئی؟

(4) او ہ چنگا حصہ کیہڑا ہا ؟

(5) ساڈے اِندر کیہڑے قسم دا تعصب ہے جیندے نال ساکوں آزاد تھیونڑ دی ضرورت ہے؟