توں مسیح ہیں ( متی ۱۶ باب)
(تعارف) دوستو ! اج اساں تساں بھراواں کوں ایہہ کہانڑی سنڑویسوں جو شاگرداں کوں یسوع مسیح دے نال راہندے ہوئےتقریباً ڈو سال تھی گئے ہَن ہنڑ وقت آ گیا ہا جو انھاں اتے ظاہر کر ڈتا ونجے جو دراصل او ہ کونڑ ہے؟
(13) جڈاں یسوع المسیح قیصریہ فلپی دے علاقے ءچ آیا تاں اونیں اپنڑے شاگرداں توں پچھیا جو لوک ابنِ آدم کوں کیا آہدھے ہین۔(14)’’ انھاں نیں آکھیا بعض آہدھن یوحنا اصطباغی بعض ایلیاتے کجھ یرمیاہ یا نبیاں ءچوں کوئی نبی۔(15)’’ اونیں انھاں کوں آکھیا لیکن تساں میکوں کیا آہدھے ہیوے۔(16)’’شمعون پطرس نیں جواب ءچ آکھیا تو زندہ خدا دا پوتر المسیح ہیں۔‘‘ (صفحہ نمبر 3 دے تعارف وچ ڈیکھو) (17)’’ یسوع المسیح نیں جواب ءچ آکھیا مبارک ہیں تو شمعون بریوناہ کیوں جو ایہہ گالھ گوشت تےخون دی نیں بلکہ میڈے پیو نیں جیہڑا آسمان اتےہے تیڈے اتےظاہر کیتی ہے۔(18)’’ ول میں تیکوں آہدھاں توں پطرس ہیں تے میں ایں پتھرا تے اپنڑی کلیسیاء قائم کریساں تے پاتال دے دروازے ایندے اتے غالب نہ آسن۔(19)’’ میں آسمان دی بادشاہی دیاں کُنجیاں تیکوں ڈیساں تے جو کجھ توں زمین اتےبدھیسیں او ہ اسمان اتے بد ھیا ویسی تےجو کجھ توں زمین تے کھولیسیں۔(20)’’ اُوہو آسمان تے کھولیا ویسی۔ اوں وقت اونیں اپنڑے شاگرداں کوں حکم ڈتا جو کاہناں کوں نہ ڈسائے جو میں مسیح ہاں۔(21)’’ اوں ویلے توں یسوع المسیح اپنڑے شاگرداں اتے ظاہر کرنڑ لگا جو ضرور ہے او ہ یروشلیم دو ونجے تےبزرگاں تےسردار کاہناں تے فقیہاں دی طرفوں بہوں ڈکھ چاوے تے قتل کیتا ونجے تے تریجھے ڈینہہ مُر دیاں ءچوں زندہ تھیوے۔(22) ایں توں پطرس اونکوں انج گھن کے ملامت کرنڑ لگا جو ایہہ خداوند خدا نہ کرے جو تیڈے نال کڈھائیں اینویں تھیوے۔(23)’’ یسوع المسیح نیں پطرس کوں آکھیا اَے شیطان میڈے کولھوں دور تھی توں میڈے کیتے ٹھوکر دا باعث ہین کیوں جو توں خدا دیاں گالھیں نیں بلکہ بندیاں دیاں گالھیں دا خیال رکھیندا ہیں۔(24)’’ وَل یسوع المسیح نیں اپنڑے شاگرداں کوں آکھیا جے کوئی میڈے پچھو ں آونڑاں چاہوے تے اپنڑے آپ دا انکار کرے تے اپنڑی صلیب چاوے تے میڈے پچھو ں ا ٓوے۔(25)’’ کیوں جو، جیہڑاکوئی اپنڑی جان بچاونڑاں چاہوے اونکوں ونجیسی تے جو کوئی میڈی خاطر اپنڑی جان ونجیسی او ہ اونکوں بچیسی۔(26)’’ تےجے بندہ ساری دنیا حاصل کر گھنے پر اپنڑی جان دا نقصان چاوے تاں اونکوں کیا فائدہ تھیسی۔
دوستو ! ساڈی ایں کہانڑی ءچ چھی سوال ہین میں امید کرینداہاں جو تساں ساڈے حوصلے کیتے ضرور جواب ڈیسو۔
(1) تساں میکوں کیا آہدھے ہیوے یسوع المسیح دے ایں سوال دے جواب ءچ مقدس پطرس دے بیان کوں اساں کیویں سمجھ سگدے ہیں ؟
(2) مقدس پطرس دا ایہہ جواب جو توں المسیح ہین ایں وی تھی سگدا ہا جو توں عورت دی او ہ نسل ہیں جیہڑا شیطان دے سر کوں کچلیسی (مزید تفصیلات کیتے ڈیکھوں واقعہ نمبر 3۔وچ)
(3) تہاڈے خیال ءچ بادشاہی دیاں کُنجیاں کیا ہین یسوع المسیح دا آکھنڑجسمانی کُنجیاں یا روحانی کُنجیاں ہن؟
(4) ایں قسم دی کُنجیاں دے استعمال توں ساکوں کیا حاصل تھی سگدا ہے؟
(مزید تفصیلات ڈیکھنڑ کیتے واقعہ نمبر۔1۔3)
(5) یسوع المسیح نیں کیا فرمایا جو انھاں دا یروشلیم ونجنڑدا مقصد کیا ہا تے اتھاں انھاں دے نال کیا تھیسی؟
(6) جڈاں شمعون نیں آکھیا جو خدا نہ کرے جو تہاڈے نال ایجھا ہوے تاں یسوع المسیح نیں کیا جواب ڈتا؟
(7)’’یسوع المسیح دے ایں سوال دا جواب اساں کیویں ڈے سگدے ہیں جو بندے کوں کیا فائدہ جے او ہ ساری دنیا حاصل کر گھنے پر اپنڑی جان دا نقصان چاوے؟
