لعزر تے امیر بندا (لوقا 16 باب)
(تعارف) دوستو ! ایں کہانڑی دا تعارف کجھ ایہہ ہے یسوع المسیح نیں لعزر تےامیر بندے دی مثال ایں واسطے ڈتی جو فریسی دولت نال پیار بہوں کریندے ہَن۔
(13) یسوع المسیح نیں آکھیا کوئی نوکر جے اوندے ڈو مالک ہونڑ تاں انھاں ڈوہائیں دی خدمت نیں کر سگدا تساں خدا تےدولت دی خدمت نیں کر سگدے۔(14) فریسی جیہڑے پیسے دے دوست ہَن ایہہ گالھیں سنڑتے یسوع المسیح دا مذاق اڈاونڑلگے۔(15) اونیں انہاں کوں آکھیا تساں بندیاں دے سانمنڑے اپنڑے آپ کوں راستباز بنڑیندے ہیوے پر خدا تہاڈے دلاں کوں جانڑدا ہے کیوں جو جیہڑی چیز بندیاں دی نظر ءچ اعلیٰ قدر ہے او ہ خدا دی نظر ءچ مکروہ ہے۔(19) وَل یسوع المسیح نیں انھاں کوں ہک کہانڑی سنڑوائی جو ہک دولت مند ہا جیہڑا ارغوانی تے چٹے کپڑے پیندا ہا تےہر روز خوشی منیندا ہا تےشان و شوکت نال راہندا ہا۔(20) تے لعزر ناں دا ہک غریب زخماں نال بھریا ہویا اوندے دروازے دے سانمنڑے پیا راہندا ہا۔(21) اونکوں ایہہ آرزو ہئی جو او ہ دولت مند دی میز دی توں ڈھٹھے ہوئے ٹکڑیاں نال اپنڑاں پیٹ بھرے بلکہ کتے وی آ تے اوندے زخم چٹیندے ہَن۔(22) تے اینویں تھیا جو اوہ غریب مر گیا تےفرشتیاں نیں اونکوں گھن ونج تے ابرہام دی گود ءچ اپڑا ڈتا تے دولت مند کوں وی موت آ گئی تے اوہ وی دفن تھیا۔(23) او عالم ارواح ڈے درمیان عذاب ءچ مبتلا ہای تے اپنیاں آکھیاں چا کے ابرہام کوں دور توں ڈتھا تے اوہدی گود ءچ لعزر کوں وی ڈٹھا۔(24) امیر بندے نیں سڈ تے آکھیا اے ابا ابراہام میڈے اتےرحم کر ، تے لعزر کوں بھیج جو او ہ اپنڑی انگل دا سرا پانڑی وچ بوڈ تے میڈی زبان کوں تر کرے کیوں جو میں ایں بھاہ وچ تڑپدا پیاں۔(25) ابرہام نیں آکھیا پوتر یاد کر جو توں اپنڑی زندگی ءچ چنگیاں چیزاں گھن چکیاں ہیں تےاینویں لعزر بریاں چیزاں پر ہنڑ او ہ اتھاں تسلی پیندا ہے تےتوں تڑپدا ہیں ۔(26) سارے گالھیں دے علاوہ تہاڈے تے ساڈے وچال ہک وڈا کھڈا ہے جو اتھو ں تہاڈے تئیں نہ کوئی آ سگدے نہ کوئی ونج سگدے۔(27) اونیں آکھیا اے ابا میں تیڈی منت کرینداہاں اونکوں میڈے پیو دے گھر بھیج۔(28) کیوں جو میڈے پنج بھرا ہین تاں جو او ہ انھاں دے سانمنڑے اِنھاں گالھیں دی گواہی ڈیوے اینویں نہ ہوے جو اوہ وی ایں عذاب دی جاہ ء چ آونجنڑ۔(29) ابراہام نیں اونکوں آکھیا انھاں دے کولھ موسیٰ تے انبیا تاں ہین انھاں دی سنڑن۔(30) او نیں آکھیا نا ں ا با ! جے کوئی مردیاں ءچوں انھاں دے کول ونجے تاں اوہ توبہ کریسن۔(31) ابراہام نیں انھاں کوں آکھیا جڈاں او ہ موسیٰ تےانبیا دی نیں سنڑدے جے مردیاں ء چو ں کوئی جی اٹھے تاں اوندی دی وی نہ منیسن۔
دوستو ! میں امید کریندا ہاں جو اج دی کہانڑی تساں دوستاں کوں بہوں چنگی لگی ہوسی تےایں کہانڑی ءچ ساڈے چار سوال ہین۔
(1) کوئی بندا ڈو مالکاں دی خدمت نیں کرسگدا ایں بیان توں یسوع المسیح کیا گالھ واضح کرنڑاں چاہندے ہن۔؟
(2) مرنڑ دے بعد امیر بندے دے نال کیا تھیا تے لعزر دے نال کیا تھیا۔؟
(3) امیر بندے دی درخواست تےحضرت ابراہام نیں کیا فرمایا۔؟
(4) اپنڑی زندگی ءچ امیر بندہ شائد کافی مشہور ہوے تے بہوں وڈے گھر وچ راہندا ہوے پر ابدیت ءچ اوندا ناں تک کائنی۔
