معافی( متی 18 باب)
تعارف: دوستو ! اج میں تہاکوں ہک کہانڑی سنڑویساں جو اپنڑے ستاونڑ آلے کوں کتنی دفعہ معاف کرمعاف کرنڑاں ہے ایہہ اساں ا لمسیح دی تعلیم توں سکھ سگدے ہیں۔آؤ اساں مکمل کہانڑی سکھوں
(21) پطرس نیں المسیح دے کولھ آ تے آکھیا اے مالک جےکرمیڈا بھرا گناہ کریندا راہوے تاں میں کتنی دفعہ معاف کراں ؟ کیا ست واری؟۔(22) المسیح نیں جواب ڈتا میں تیکوں ایہہ نیں آدھا جو سَت وار ی بلکہ ستر واری اونکوں معاف کر۔(23) بس آسمان دی بادشاہی اوں بادشاہ آلی کار ہے جئیں اپنڑے نوکراں توں حساب گھنڑاں چاہیا۔(24) حساب کتاب شروع کریندے ویلے ہک بندہ اوندے سانمنڑے پیش کیتا گیا جیہڑا لکھاں دے حساب دا قرض دار ہا۔(25) پر اوندے کولھ ادا کرنڑکیتے کجھ نہ ہا ایں واسطے اوندے مالک نیں حکم ڈتا جو ایہہ ،ایندی زال، ایندے بال تےجیہڑاکجھ ایندا ہے سارا کجھ ایندا گھدا ونجے تےقرض وصول کیتا ونجے۔(26) اے سنڑ تے نوکر اپنڑے منہ دے بھرانڑیں ڈھٹھا تے منت کرنڑلگا خُداوند میکوں مہلت ڈے میں ساری رقم ادا کر ڈیساں۔(27) اوں نوکر دے مالک نیں ترس کھا تے اونکوں چھوڑ ڈتا تےاوندا قرض وی معاف کر ڈتا۔(28) جڈاں او ہ نوکر باہر نکلیاتےاوندا ہک ہم خدمت اونکوں ملیا جئیں اوندے تھوڑے جیہے پیسے ڈیونڑے ہَن اونیں اونکوں پکڑ تے اوندی گچی گھٹ ڈتی تےآکھیا اپنڑا قرض ادا کر۔(29) بس اوندے ہم خدمت نیں اوندے پیراں تےڈھےتے اوندی منت کیتی تےآکھیا میکوں تھوڑی جیہی مہلت ڈے میں سارا قرض ادا کر ڈیساں۔(30) پر او ہ نہ منیا بلکہ اونکوں اوں ویلے قید خانےءچ سٹ ڈتا جوجئیں تئیں قرض ادا نہ کریسیں قید ءچ راہسیں۔(31) بس اوندے ہم خدمت ایہہ حال ڈیکھ تے بہوں افسردہ تھئے تےآ تے اپنڑے مالک کوں سارا کجھ سنڑوا ڈتا۔(32) ول اوندے مالک نیں اونکوں کولھ سڈَ تے آکھیا اے شریر نوکر میں او ہ سارا قرض ایں واسطے بخش ڈتاہا جو تئیں میڈی منت کیتی ہئی۔(33) کیا تیکوں لازم نہ ہا جو جیویں میں تیڈے اتے رحم کیتا توں وی اپنڑے قرض دار اتے رحم کریندا ۔؟(34) تے اوندے مالک نیں خفا تھی کےاونکوں جیل دے افسراں دے حوالے کر ڈتا تے آکھیا جئیں تئیں سارا قرض ادا نہ کریسیں جیل ءچ راہ سیں۔(35)
میڈا آسمانی باپ تہاڈے نال ایویں ای کریسی جے تساں اپنڑے بھرا کوں سچے دل نال معاف نہ کریسو۔
دوستو ! میں امید کرینداہاں جو اج دی کہانڑی تساں دوستاں کوں بہوں چنگی لگی ہوسی تےکہانڑی ءچ ساڈے ترے سوال ہین۔ آؤ سوال سنڑو۔
(1) ساکوں کہیں بندے کوں کتنی دفعہ معاف کرنڑاں پوسی ۔؟
(2) ایں مثال ءچ المسیح نیں سکھایا جو ساکوں بنھاں دے بارے ءچ کیا رویہ رکھنڑاں چاہیدا ہے۔؟
(3) معافی دے بارے ءچ المسیح دی تعلیم کتنی واضح ہے۔؟
(4) معافی دے بارے ءچ المسیح دی تعلیم کتنی واضح ہے۔؟
دوستو ساڈے ڈتے گئے نمبر تےضرور رابطہ کرائے۔
