پہلا پتھر مارڑاں

(تعارف) دوستو! میں اج  تساں دوستاں کوں ایہہ کہانڑی سنڑویساں جو پہلے پتھر دا حکم کائیں ڈتا اج اساں ایں توں سکھسوں۔ اساں اکثر بنہاں تے الزام لیندے ہیں لیکن اپنڑے آپ تے غور نیں کریندے جو اساں ای مجرم ہیں۔ آؤ اساں مکمل کہانڑی سنڑوں۔

(3) سردارکاہن تے  فریسی ہک عورت کوں گھن آئے جیہڑی زنا کریندے ویلے پکڑی گئی ہئی تے  المسیح کوں آکھیا۔ (4) اے استاد ایں عورت کوں زنا کریندے ہوئے عین وقت تے پکڑیا گیا ہے۔ (5) توریت ءچ موسیٰ نیں حکم ڈتا ہے جو ایجھی کوں سنگسار کرو بس توں کیا آہدھا ہیں۔؟ (6) انھاں نیں ایہہ المسیح کوں آزماونڑ کیتے آکھیا تاں جواوندے اتے الزام لاونڑ دا کوئی بہانہ ہتھیں آ ونجے پر المسیح جھک تے انگلی نال زمین اتے کجھ لکھنڑلگا۔ (7) جڈاں او ہ سوال کریندے ای ریہے تاں او نیں سدھا تھی تے انھاں کوں آکھیا جیہڑا تہاڈے ءچوں بے گناہ ہوے اوہو ایں عورت کوں پہلا پتھر مارے۔ (8)  تے وَل جھک تے زمین اتے انگلی نال لکھنڑ لگا۔ (9) ایہہ جواب سنڑ تے الزام لاونڑ آلے وڈیاں توں گھن تے چھوٹیاں تئیں  ہک ہک تھی تے نکل گئے تے المسیح کلھا رہ گیا تے او ہ عورت وی اتھاں  رہ گئی۔

(10)  المسیح نیں عورت کوں آکھیا اے عورت ایہہ لوک کتھاں گئین؟ کیا کہیں نیں تیڈے اتے الزام  نیں لایا‘‘؟  اوں عورت نیں جواب ڈتا نہ اے مالک۔  المسیح نیں فرمایا میں وی تیڈے  اتے الزام نیں لیندا ونج وَل گناہ نہ کریں۔

دوستو! ایں کہانڑی وچ پنج سوال ہین میں امید کرینداہاں جو تساں انھاں دے ضرور جواب ڈیسو۔ آؤ اساں مکمل سوال سنڑوں۔

1۔ فریسی آدھے پئے ہَن جو ایہہ عورت عین فعل دے وقت پکڑی گئی ہے تے او مرد جیندے نال ایں عورت نیں زنا کاری کیتی ہئی او کتھاں ہا۔؟

(2)  کیا فریسی راستبازی دے بارے ءچ سنجیدہ ہَن؟ المسیح دے کول انھاں دا آونڑ دا مقصد کیا ہا۔؟

(3)  المسیح دے جواب نیں فریسیاں تے کیا گالھ واضح کیتی؟ کیا انھاں کوں وی خدا دے فضل دی ضرورت ہئی ۔؟

(4) جڈاں المسیح نیں فرمایا جو جیہڑابے گناہ ہے او ہ اوں عورت کوں پہلا پتھر مارے تاں اتھاں کتنے لوک باقی رہ گئے ہَن۔؟

(5) المسیح نیں آخر ءچ اوں عورت کوں کیا آکھیا۔؟