پیدائشی اندھے کوں شفا (یوحنا 9باب)
(تعارف) میڈے بھراؤ!میں امید کرینداہا ں جو تساں خیریت نال ہوسو اساں خداوند دےشکر گزار ہیں جئیں ساکوں اپنڑے کھیت ءچ کم کرنڑدا موقع ڈتا۔ اج اساں ایں کہانڑی ءچوں ایہہ سکھسوں جو المسیح نیں پیدائشی اندھے بندے کوں کینویں شفا ڈتی تے او ہ اندھا بندا کینویں المسیح اتے ایمان گھن آیا۔آؤاساں مکمل کہانڑی سنڑوں۔
(1) وَل اونیں ویندے ویلے ہک بندے کوں ڈیٹھا جیہڑا پیدائشی اندھا ہا۔(2) المسیح دے شاگرداں نیں اوں توں پچھیا اے استاد کائیں گناہ کیتا ہا جو ایہہ اندھا پیدا تھیا ہے ایں بندے نیں یا ایندے ماں پیو نیں۔؟(3)المسیح نیں جواب ڈتا ناں ایں نیں گناہ کیتا ہا ناں ایندے پیو نیں بلکہ ایہہ ایں واسطے تھیا جو خدا دے کم اوندے ءچوں ظاہر تھیوونڑ۔(6) ایہہ آکھ تےالمسیح نیں زمین اتےتھکیا تےتھک نال مٹی ملی تےاو ہ مٹی اوں اندھے دی اکھیں اتے لا تے۔(7) اونکوں آکھیا ونج اکھیں کوںشیلوخ ڈے حوض تے دھو گھن بس او نیں ونج تے دھویا تےاو ہ ڈیکھنڑ لگ پیا تےواپس آیا۔(14) تے جیہڑے ڈینہہ المسیح نیں اوں بندے دیاں اکھیں کھولیاں ہَن او ہ سبت (ہفتہ) دا ڈینہہ ہا۔(15) وَل فریسیاں نیں اوں بندے توں پچھیا توں کینویں سُجاکا تھیئں اونیں انہاں کوں آکھیا اوں نیں میڈے اکھیں اتےمٹی لائی وَل میں دھو گھدیاں تےہنڑمیں ڈیدھا ہاں۔(16) بس فریسی آکھنڑلگے ایہہ بندہ(المسیح ) خدادی طرفوں نئیں کیوں جو سبت دے ڈینہہ کوں نیئں منیندا پر بنہاں نیں آکھیا گناہ گار بندہ کینویں معجزے ڈیکھا سگدا ہے۔(17) بس انھاں ءچ اختلاف تھیا۔(18) پریہودیاں کوں یقین نہ آیا جو ایہہ اندھا ہا تےبینا تھی گیا ہے جئیں تئیں انھاں نیں اوندے ماں پیو کوں سڈ تے ۔(19) انھاں توں پچھ نہ گھدا جو کیا ایہہ تہاڈا پوتر ہے جینکوں تساں آہدھے ہیوے جو اندھا پیدا تھیا ہا ہنڑ ایہہ کینویں ڈیدھا ہے۔(20) اوندے ماں پیو نیں جواب ءچ انھاں کوں آکھیا اساں جانڑدے ہَیں جو ایہہ ساڈا پوتر ہے تےاندھا پیدا تھیا ہا۔(21) پر اساں ایہہ نئیں جانڑدے جو ہنڑاو ہ کینویں ڈیدھا ہے او ہ تاں جوان ہے اوں توں پچھو۔(22) ایہہ اوندے ماں پیو نیں یہودیاں دے ڈر نال آکھیا تاں جو عبادت خانہ ءچوں خارج نہ کیتے ونجنڑ۔(24) بس انھاں نیں اوں بندے کوں سڈ کتے آکھیا خداونددی تمجید کر اساں تاں جانڑدے ہَیں جو ایہہ بندہ جئیں تیڈیاں اکھیں کھولیاں ہِین او ہ گنہگار ہے۔(25) او نیں جواب ڈتاجو میں نئیں جانڑدا جو او ہ گنہگار ہے یا نئیں میں ہک گالھ جانڑداھاں جو میں اندھا ھم پر ہنڑمیں ڈیدھاں۔(28) اوہ اونکوں برا بھلا ا آکھنڑلگے جو اساں جانڑدے ہَیں جو خدا نیں موسیٰ دے نال کلام کیتا ہے پر اوں بندے کوں نئیں جانڑدے جو او ہ کتھاں دا ہے۔(30) اوں بندے نیں جواب ءچ اونکوں آکھیا ایہہ تاں تعجب دی گالھ ہے۔(32) دنیا دے منڈھ توں کڈھائیں سنڑڑ ءچ نئیں آیا جو کہیں پیدائشی اندھے دیاں اکھیں کُھلیاں ہوون۔(33) جےکر ایہہ بندا خدا دی طرفوں نہ ہوندا تاں کجھ نہ کر سگدا۔(34) انھاں نیں اونکوں باہر کڈھ ڈتا۔(35) المسیح کوں معلوم تھیا جو انھاں نیں ایں بندے کوں باہروں کڈھ ڈتے۔(36) جڈاں المسیح اوں بندے نال ملیا تاں آکھیا کیا توں خدا دے پوترا تے ایمان گھن آیا ہین اوں بندے نیں جواب ءچ آکھیا اے مالک او ہ کونڑہے جو میں اوندے اتےایمان گھن آنواں۔(37) المسیح نیں فرمایا جیہڑا تیڈے نال گالھیں کریندا ہے اوہو ای ہے۔(اوں بندے نیں آکھیا اے مالک میں ایمان رکھینداں تےاونکوں سجدہ کیتا۔’’ دوستو ! ایہہ کہانڑی تہاکوں بہوں چنگی لگی ہوسی ایں کہانڑی دے ترےسوال ہین ۔
(1) ساڈا ردِعمل انھاں ءچو ں کیندے آلی کار ہونڑاں چاہیدا ہے فریسیاں جیہاں پیو ماں جیہاں یا وَل جماندرو اندھے جیہاں۔؟
(2) فریسی المسیح دی مخالفت کیوں کریندے پئے ہَن۔؟
(3) ہک واری وَل اساں المسیح دی ذات ءچ نرمی تے ہمدردی دا پہلو ڈیدھے ہیں جڈاں او ہ ایں واقعہ دے اختتام اتے تسلی ڈیونڑ کیتے اوں بندے کوں گھولنڑگیا۔؟
