زکائی (لوقا ۱۹ باب)

(تعارف) دوستو! اج میں تہاکوں ہک کہانڑی سنڑوینداہاں جو ہک گنہگار بندا جیندا ناں زکائی ہا تے اوں کیویں المسیح کوں قبول کیتا تے  اوندے گناہ کیویں معاف تھئے۔ میں امید کرینداہاں  جو ایہہ کہانڑی تہاکوں بہوں چنگی لگسی۔

(1)    المسیح یریحو ءچوں تھی تے ویندا پیا ہا۔(2) تے زکائی ناں دا ہک بندا ہا جیہڑا سود گھننڑ آلیاں دا سردار تے دولت مند ہا۔(3) اوں المسیح کوں ڈیکھنڑ دی وڈی کوشش کیتی پر بھیڑ دے سببوں ڈیکھ نہ سگدا ہا کیوں جو اوندا قد چھوٹا ہا۔(4) بس او ہ المسیح کوں ڈیکھنڑ کیتے بھج تے ہک درخت اتے  چڑھ گیا اونکوں پتہ ہا جو المسیح اڈاہوں ویسین۔(5) جڈاں  المسیح اتھاں اپڑے تاں انھاں نیں اتے نگاہ کر تے زکائی کوں آکھیا’’ اے زکائی جلدی نال تلے لیھ  آ اج میکوں تیڈے گھر ونجڑاں ضروری ھے۔(6) زکائی جلدی نال تلے لیھِ آیا المسیح کوں وڈی خوشی نال قبول کیتا تے اپنڑے گھر گھن گیا۔(7) جڈاں لوکاں نیں  ڈیٹھا تاں سارے بڑ بڑا تے آکھنڑ لگےجو’’ المسیح تاں ہک گناہ گار بندے دے گھر لگیا  گیا ہےِ ۔(8) زکائی نیں  کھڑے تھی تے  المسیح کوں آکھیا اے میڈا مالک میں اپنڑاں ادھا مال غریباں کوں ڈینداہاں۔(9) تے جے میں کہیں توں ناحق گھدے تاں چار گنا واپس کرینداہاں’’  المسیح نیں  انھاں کوں آکھیا اج ایں گھر ءچ نجات آئی ھِے۔ ایں واسطے جو ایہہ وی ابرہام دا پوتر ہے۔(10) کیوں جو ابنِ آدم گمیاں ہویاں کوں گولھنڑتے  نجات ڈیونڑ آیا ہے ۔’’ دوستو! میں امید کرینداہاں جو اج دی کہانڑی تساں دوستاں کوں بہوں چنگی لگی ہوسی۔تے ایں کہانڑی ءچ ساڈے ڈو سوال ہین میں امید کرینداہاں جو تساں انھاں سوالاں دے ضرور جواب ڈیسو۔

(1) زکائی دولت مند تاں ہا  پر او ہ اندروں خالی ہا ؟ او ہ اندرون خالی کیوں ہا۔؟

(2) زکائی دا یریحو دے لوکاں دے نال رشتہ کیویں بحال تھیا ہا۔