ڈو معمولی سکے (لوقا ۲۰،۲۱ باب)

(تعارف) المسیح نیں ہک بڈھڑی بیوہ دی تعریف کیتی جیہڑی خدا دی ذات اتےبھروسہ رکھیندی ہئی آؤ اساں مکمل کہانڑی سنڑوں۔

(لوقا:20:باب:45) آیت: جڈاں سارے لوک سنڑدے پئے ہَن تےیسوع المسیح نیں اپنڑے شاگرداں کوں آکھیا۔(46)  جو فقیہاں کنوں خبردار رہوائے جیہڑے لمبے لمبے چولے پا تے پھرنڑدا شوق رکھیندے ہَن تے بازاراں ءچ سلام تےعبادت خانہءچ اعلیٰ درجے دیاں کرسیاں تےضیافتاں ءچ صدر نشینی پسند کریندے ہَن۔(47) او ہ بیوہ عورتاں دے گھراں کوں دبا بہندن او ہ ڈیکھاوے کیتے دعاواں کوں طول ڈیدن۔(1:21)  وَل یسوع المسیح نیں اپنڑیاں اکھیں چا تے انھاں دولت منداں کوں ڈیٹھا جیہڑے اپنڑیاں نزراں دے پیسے ہیکل ءچ سٹیندے  ہَن۔(2)  و َل ہک کنگال بیوہ کوں وی اوندے ءچ ڈو معمولی سکے سٹیندے ڈیٹھا۔(3) ایندے تےیسوع  المسیح نیں آکھیا میں تہاکوں سچ آدھاں جو ایں کنگال بیوہ نیں ساریاں توں زیادہ سٹے ہن۔(4) کیوں جو انھاں ساریاں نیں اپنڑے مال دی کثرت نال نذر دا چندہ سٹیا پر ایں بیوہ نیں اپنڑی ناداری دی حالت ءچ جتنی روزی اوندے کولھ ہئی ساری سٹ ڈتی۔

دوستو ! ایں کہانڑی ءچ ترے سوال ہِن آؤاساں سوال سنڑوں۔

(1) شرع دے معلم کیا کرنڑاں پسند کریندے ہَن۔؟

(2) یسوع المسیح نیں ایہہ  کیوں آکھیا جو ایں عورت نیں ساریاں توں زیادہ ہدیہ سٹیا۔؟

(3) لوکاں کوں کیندے توں خبردار ہونڑدی ضرورت ہے تے کیوں۔؟