نشانات معجزات تے رفاقت ( اعمال ۲ باب)

(تعارف)’’ دوستو ! یں کہانڑی دا مضمون کجھ ایہہ ہے۔جڈاں لوک المسیح تےایمان گھن آنونڑلگے تاں انھاں نیں چھوٹے چھوٹے گروپاں ءچ جمع تھیونڑشروع کر ڈتا  انھاں گروپاں کوں جماعتاں دا ناں ڈتاگیا۔

(42)’’ تےایماندارشاگرداں توں تعلیم پانونڑتے  رفاقت رکھنڑتےرفاقتی کھانڑے تے دعا کرنڑءچ شریک ریہے۔(43)’’ تے ہر بندے تےخوف چھاگیا تے بہوں سارے عجیب کم تے نشان شاگرداں دے زریعہ ظاہر تھیندے ہَن۔(44)’’ تےجیہڑے ایمان گھن آئے ہَن او ہ سارے ہکی جا  رانہدے ہَن تے ساریاں چیزاں ءچ شریک ہن۔(45)’’ایماندار اپنڑا مال و اسباب ویچ ویچ تے ہر ہک دی ضرورت پوری کریندےتےانھاں کوں ونڈ ڈیندے ہَن۔(45)’’ ہر روز ہک دِل تھی تےہیکل ءچ جمع تھیندے ہَن تے گھراں ءچ روٹی تروڑ کے خوشی تے سادہ دِلی نال کھانڑاں کھاندے ہَن۔(47)’’ خدا دی حمد کریندے تےسارے لوکاں کوں عزیز ہَن جیہڑے نجات پیندے ہَن انھاں کوں  خداوند   ہر روز انھاں وچ ملا ڈیندا ہا تےشاگرد وڈی قدرت نال آپنڑے خداوندالمسیح دے مردیاں ءچوں زندہ تھیونڑدی گواہی ڈیندے ریہے۔

دوستو ! تساں سجنڑاں کوں پتہ وی ہے جو ساڈی کہانڑی دے آخر ءچ کجھ سوال ہِوندن انھاں سوالاں دے جواب ساڈے حوصلہ افزائی کیتے ہِین جو تساں ساکوں جواب ڈیسو اساں تہاڈا بہوں شکریہ ادا کریسوں۔آؤ ! اساں سوال سنڑوں ۔

(1) شاگرد نویں ایمانداراں کوں کیہڑھی گالھ دی تعلیم ڈیندے ریہے ہوسن۔؟

(2) ہر روز کیا تھیندا پیا ہا۔؟

(3) روٹی تروڑنڑنال کیا یاد آندا ہے۔؟

(4) نویں  زندگی داتجربہ ایمانداراں دے اندرو ں کیہڑے قسم دے احساسات پیدا کریندا  ہا ۔؟