شاگرد عدالت عالیہ دے سانمنڑے ( اعمال ۴ باب)
تعارف: ’ ’ دوستو ! اج میں تساں سجنڑاں کوں ہک کہانڑی سنڑویساں جو المسیح دے شاگرداں کیویں انھاں دی خوشخبری سنڑوائی کیوں جو کہیں بہے دے وسیلے نال نجات کائنی کیوں جو بندیاں کوں کوئی ڈوجھا ناں نئیں بخشیا گیا جیندے وسیلے نال نجات پا سگین۔
(1) جڈاں پطرس تے یوحنا لوکاں کوں ایہہ آدھے پائے ہَن۔(2) تے کاہن تے ہیکل دا سردار تے صدوقی سخت ناراض تھئے کیوں جو او ہ تعلیم ڈیندے تےالمسیح دے مردیاں ءچو ں زندہ تھیونڑ دی منادی کریندے ہَن۔(3) تےانھاں نیں اِنھاں کوں پکڑ تے ڈو ڈینہہ تئیں حوالات ءچ رکھیا۔(4) پرجنھاں نیں اوندا پیغام سنڑیا ہا انھاں ءچو ں بہوں سارے لوک ایمان گھن آئے تےصرف مرداں دی تعداد پنج ہزارتئیں تھی گئی۔(5) بئے ڈینہہ ایہہ تھیا جو انھاں دے سردار تےبزرگ تےفقیہاں نیں۔(7) پطرس تےیوحنا کوں آدھ ءچ کھڑا کیتا تے پچھنڑلگے جو تساں ایہہ کم کیہڑی قدرت تےکیندے ناں نال کیتا ہے۔؟(8) اوں ویلے پطرس نیں روح القدس نال معمور تھی تے انھاں کوں آکھیا۔(9) اے قوم دےسردارو تےبزرگو ! جےاج ساڈے کنوں اوں احسان دی بابت پچھ گچھ کیتی ویندی ہے جیہڑا ہک کمزور بندے تےتھیا ہے جو اونکوں کینویں شفا مل گئی ۔(10) تے المسیح ناصری جینکوں تساں لوکاں مصلوب کیتا ہے تےخدا نیں اونکوں مردیاں ءچوں زندہ کیتا ہے اوندے ناں وچ ایہہ بندا تہاڈے سانمنڑے ٹھیک کھڑا ہے۔(11) ایہہ اوہو پتھرہے جیکوں تساں مستریاں نیں رَد کیتا تے اوہ کونے دے سرے دا پتھر تھی گیا۔(12) تے کہیں بئے دے وسیلے نال نجات نئیں کیوں جو آسمان دے تلے بندیاں کوں کوئی ڈوجھا نانئیں بخشیا گیا جیندے وسیلے نال اساں نجات پا سگوں۔(13) جڈاں انہاں نیں پطرس تےیوحنا دی دلیری ڈیٹھی تےمعلوم کیتا جو ایہہ ان پڑھ تے ناواقف بندے ہین تےتعجب کیتا وَ ل انھاں کوں پچھانڑیا جو ایہہ المسیح دے نال ریہے ہیَن۔(18) بس انھاں نیں پطرس تےیوحنا کوں سَڈ تے تاکید کیتی جو المسیح دا ناں گھن تے ہر گز گالھ نہ کراۓ تےنہ تعلیم ڈیوائے۔(19) مگر پطرس تےیوحنا نیں جواب ءچ انھاں کوں آکھیا جو کیا خدادے نیڑے ایہہ واجب ہے جو اساں خدادی گالھ توں تہاڈی گالھ زیادہ سنڑوں۔؟ (20) کیوں جو ممکن نئیں جو اساں جو ڈیٹھے تےسنڑیا ہے اوہ نہ آکھوں۔(21) انھاں نیں انھاں کوں مزیددھمکا تے چھوڑ ڈتا ایں واسطے سارے لوک ایں معجزے دے سببوں خدادی تمجید کریندے ہَن۔(22) جیہڑے بندے تےشفا دا معجزہ تھیا ہا اوہ چالیہہ سال توں وی زیادہ ہا۔(23) شفا ملنڑ دے بعد اوہ اپنڑے لوکاں ءچ گیا۔(33) تےشاگرد وڈی قدرت نال خداوند یسوع دے زندہ تھیونڑدی گواہی ڈیندے ریہے۔
دوستو ! میں امید کرینداہاں جو اج دی کہانڑی تساں سجنڑاں کوں بہوں چنگی لگی ہوسی ایں کہانڑی ءچ وی چار سوال ہین۔ میں امید کرینداہاں جو تساں ساکوں انھاں سوالاں دے جواب ضرورڈیسو۔آؤاساں سوال سنڑوں۔
(1) پطرس کیا گواہی ڈینداپیا ہاجئیں توں مذہبی رہنما بے چین تھی گئے ہَن۔؟
(2) مقدس پطرس بھانویں مچھیرے ہَن تاں وی انھاں کوں او ہ تجربہ تھیا ہا جیہڑامذہبی لیڈراں کوں نہ تھیا ہا المسیح جینکوں اختیار آلیاں نیں رَد کر ڈتاہا اوہ کونے دا سرے دا پتھر کینویں بنڑ گیا۔؟
(3) ہنڑ تئیں کتنےلوک المسیح دے مردیاں ءچوںزندہ تھیونڑتے ایمان گھن آئے ہَن۔؟
(4) او ہ کیہڑا ناں ہے جیندے وسیلے نال اساں نجات پا سگدے ہیں۔؟
