ستفنس دا سنگسار کیتا ونجڑاں (اعمال 6۔7باب)
(تعارف)’’دوستو ! اج دی کہانڑی ساکوں یسوع المسیح تے ایمان گھن آنونڑدے بارےءچ ڈسیندی ہے جو انھاں لوکاں یسوع المسیح تےایمان گھن آ تے جماعت قائم کیتی تےبہوں سارے کاہن ایں گالھ کوں تسلیم کرنڑکیتے تیار نہ ہَن جو یسوع المسیح ای مسیح ہے لیکن ستفنس نیں کہیں قسم دا مظاہرہ نہ کیتا۔
(6۔6) وَل انہاں کوں رسولاں ڈے اگے کیتا تے رسولاں دُعا کر کے اُنہاں اُتے ہتھ رکھیا ۔(8) تےستفنس فضل تے قوت نال بھریا ہویا لوکاں ءچ وڈے وڈے عجیب کم تے نشان ظاہر کریندا ہا۔(9) ہک ڈینہہ کجھ یہودی ستفنس نال بحث کرنڑلگے۔(10) پر اوہ اوں دانائی تےروح دا مقابلہ نہ کر سگے۔(13) بزرگاں نیں جھوٹے گواہ کھڑے کیتے جنھاں نیں آکھیا جو’’ (14) ایہہ بندا ہیکل تے شریعت دے خلاف گالھیں کرنڑ توں باز نئیں آندا کیوں جو اساں اینکوں ایہہ آدھےسنڑیا ہے جو یسوع المسیح ایں مقام کوں تباہ کر ڈیسی تے انھاں رسماں کوں بدل ڈیسی جیہڑیاں موسیٰ نیں ساکوں ڈتیاں ہین۔(7۔1) وَل سردار کاہن نیں ستفنس کوں آکھیا کیا ایہہ گالیھں اینویں ای ہین۔‘؟ ‘ (2) ستفنس نیں جواب ڈتا جو۔(30) موسیٰ نیں کوہِ سینا دے بیابان ءچ بلدی ہوئی جھاڑی ءچ ہک فرشتہ ڈیٹھا۔(44) تے شہادت دا تنمبو بیابان ءچ ساڈے پیو ڈاڈے دے نال ہا جینویں خدانیں مقدس موسیٰ کوں حکم ڈتا ہا۔(47) سلیمان نیں اوندے کیتے گھر بنڑایا۔(48) پر خدا ہتھ دے بنڑے ہوئے گھراں ءچ نیں راندھا۔(49) خداوندفرمیندا ہے آسمان میڈا تخت ِ تے زمین میڈے پیراں تلے دی چوکی ہے تساں میڈے واسطے کیجھا گھر بنڑیسو یا وَل میڈی آرام گاہ کیہڑی ہوسی۔؟(50) کیا ایہہ ساریاں چیزاں میڈے ہتھ دیاں نیں بنڑیاں۔؟(51) اے گردن کشو تےدِل تے کن دے نا مختونو! تساں ہر ویلے روح القدس دی مخالفت کریندے وے جینویں تہاڈاپیو ڈاڈا کریندے ہَن اونویں ای تساں وی کریندےہیوے۔ ۔(54) جڈاں انھاں نیں ایہہ گالھیں سنڑیاں تاں اندرای اندرسڑگئے۔(55) پر ستفنس نیں روح القدس نال بھریچ تے آسمان آلے پاسے نظر کیتی۔(56) تے آکھیا ڈیکھو ! میں آسمان کوں کھلیا تےابنِ آدم کوں خدا دے سجے پاسو ں کھڑا ڈیدھا ہاں۔(57) اے سنڑ تے یہودیاں نیں وڈے زور نال آپنڑے کن بند کر گھدے تےرَل تے اونکوں پئے گئے۔(58) تے شہر توں باہرکڈھ تے اونکوں سنگسار کرنڑلگے تےجیہڑے گواہ ہَن انھاں نیں اپنڑے کپڑے ساؤل ناں ہک جوان دے پیراں دے کولھ رَکھ ڈتے۔(59) بس او ہ ستفنس کوں سنگسار کریندے ریہے تےاو ہ ایہہ دعا کریندا ریہا’’ اے خداوندالمسیح ! میڈی روح کوں قبول کر۔(60) وَل اوں نیں گوڈے ٹیک تے وڈی آواز نال آکھیاجو اے خداوند ! ایہہ گناہ انھاں دے ذمے نہ لا ، تے ایہہ آکھتے سم گیا ۔
دوستو ! اساں شکر گزار ہیں تساں دوستاں دے جو تساں ساڈے سوالاں دے ضرور جواب ڈیندے ہیوے۔ ایں کہانڑی ءچ چار سوال ہین میں امید کرینداہاں جو تساں انھاں دے ضرور جواب ڈیسو۔
(1) خدا ہتھ دے بنڑائے ہوئے گھراں ءچ نئیں راہندا ستفنس نیں آکھیا جو خداکتھاں راندھے ہین۔؟
(2) لوک اپنڑے کن بند کر تے وڈی اچی آواز نال رڑدے پئے ہَن۔؟
(3) ستفنس کوں سنگسار کرنڑآلیاں نیں اپنڑے کپڑے کیندے کولھ رکھوائےہن۔؟
(4) ستفنس نیں سنگسار کیتے ونجنڑدا جواب کینویں ڈتا۔؟
