المسیح دا مخالف المسیح دی تبلیغ کریندے (اعمال9۔باب)
(تعارف)’’دوستو ! اج میں تساں دوستاں کوں ایہہ کہانڑی سنڑویساں جو یسوع المسیح ساؤل نامی ہک فریسی تے ظاہر تھئے تےوَل ساؤل دی زندگی مکمل طور تےتبدیل تھی گئی۔ آؤ! اساں ایہہ مکمل کہانڑی سنڑوں۔
(1)’’ساؤل جیہڑا المسیح دے شاگرداں کوں دھمکاونڑتےقتل کرنڑدی دھن ءچ ہا اونیں سردار کاہن دے کولھ ونج تے۔
(2)’’ انھاں کوں گزارش کیتی جو میکوں دمشق ءچ یہودی عبادت خانیاں کیتے پرمٹ ڈیئوجو جیہڑے المسیح دے پیرورکار ہین بھانویں مرد بھانویں عورتاں انھاں ساریاں کوں بدھِ تے یروشلیم ءچ گھن آواں۔(3)’’ جڈاں او ہ سفر کریندے کریندے دمشق دے نیڑے اپڑیا تاں ایں تھیا جو اچانک آسمان توں ہک نور اوندے آسو ں پاسو ں چمکنڑلگا۔(4)’’ تےاو ہ زمین تے ڈھے پیا تےایہہ آواز سنڑی اے ساؤل اے ساؤل توں میکوں کیوں ستیندا ہین۔(5) اونیں پچھیا اے خُداوندتوں کون ہین ؟ اونیں آکھیا میں المسیح ہاں جینکوں توں ستیندا ہین ۔(6) ’’المسیح نیں اونکوں آکھیا توں اٹھ شہء چ ونج جیہڑا کجھ تیکوں کرنڑاں ہوسی او ہ تیکوں آکھیا ویسی۔(7)’’ جیہڑے بندے اوندے نال ہَن اوہ خاموش کھڑے رہ گئے کیوں جو آواز تاں سنڑدے ہَن پر کہیں کوں ڈیدھے نہ ہَن۔(8) ’’ تےساؤل زمین توں اٹھیا پرجڈاں اکھیں کھولیاں تاں اونکوں کجھ ڈیکھالی نہ ڈیندا ہا تےلوک اوندا ہتھ پکڑ تے دمشق دو گھن گئے۔(9)’’ تےاو ترے ڈینہہ تئیں نہ ڈیکھ سگیا تےنہ کجھ کھا پی سگیا۔(10)’’ دمشق ءچ حننیاہ ناں دا ہک شاگرد ہا۔(11)’’ خدانیں اونکوں خواب ءچ آکھیا اے حننیاہ اٹھ اوں جا تےونج جیہڑا سیدھا آکھویندا ہےتے یہوداہ دے گھر ءچ ساؤل ناں ترسس دا راہنڑآلےدا پچھ گھن کیوں جو او ہ دعا کریندا پیا ہےِ ۔(13)’’حننیاہ نیں جواب ڈتا اے مالک میں بہوں سارے لوکاں توں اوندے بارے سنڑیا ہے۔(14)’’تےاِتھاں اونکوں سردار کاہناں دی طرفوں اختیار ملیا ہےجو جیہڑے لوک تیڈا ناں گھنن انھاں ساریاں کوں بدھ سٹے۔(15)’’ مگرالمسیح نیں اونکوں آکھیا توں ونج کیوں جواہہ قوماں بادشاہاں تےبنی اسرائیل تے میڈا ناں ظاہر کرنڑدا میڈا چنڑیا ہویا وسیلہ ہے۔(17)’’ بس حننیاہ ونج تے اوں گھر وچ داخل تھیا تےاپنڑے ہتھ اوندے اتےرَکھ تے آکھیا اے بھائی ساؤل ! خداوند یعنی المسیح جیھڑ ا تیڈے تےاوں راہ ءچ جئیں توں توں آیا ہین ظاہر تھیا ہا اونیں میکوں بھیجیا ہے جو توں ڈیکھیں تے روح القدس نال بھریج ونجیں۔(18)’’ تے فوراً اوندےاکھیں توں چھلکے ڈھے پئے تےاوہ ڈیکھنڑلگ پیا تے اٹھ تے بپتسمہ گھدا۔(19) ’’ وَل کجھ کھا تے طاقت پاتی۔(20) ’’تےفوراً عبادت خانیاں ءچ المسیح دی منادی کرنڑ لگا جو اوہ خدا دا پوترہے ۔(22)’’ ساؤل کوں بہوں بئی وی طاقت حاصل تھیندی گئی تےاو ہ ایں گالھ کوں ثابت کر تے جو المسیح ایہو ہےدمشق دے راہنڑآلے یہودیاں کوں حیران کریندا ریہا۔(23)’’ تےیہودیاں نیں اونکوں مار ڈیونڑ دا مشورہ کیتا۔(25)’’ پررات کوں اوندے شاگرداں نیں اونکوں ٹوکرے ءچ بلہایا تے دیوار توں اونکوں لھا ڈتا۔(26)’’ ساؤل نیں یروشلیم ءچ ونج تے ایمانداراں نال رَل ونجنڑ دی کوشش کیتی پرسارے اوں توں ڈردے ہَن کیوں جو انھاں کوں یقین نہ آندا ہا جو ایہہ وی ایمان گھن آیا ہے۔(27)’’ وَل برنباس اونکوں شاگرداں دے کولھ گھن آیا تےانھاں کوں ساؤل دے بارےءچ سارا کجھ ڈسایا جو کینویں ساؤل نیں رستہ ءچ خداوندکوں ڈیٹھے تےالمسیح نیں اوندے نال گالھیں کیتیاں ہین تے اونیں دمشق ءچ وڈی دلیری نال المسیح دے ناں دی منادی کیتی۔(28)’’ وَل او ہ یروشلیم ءچ انھاں دے نال آندا ویندا ریہا۔(29)’’ تےدلیری نال خدا دے ناں دی منادی کریندا ریہا۔
دوستو ! تہاکوں پتا ہےِ جو ہر کہانڑی دے آخر وچ ساڈے سوال ہوندین ایں کہانڑی ءچ چار سوال ہین میں امید کرینداہا ں جو انھاں سوالاں دے تساں ساکوں ضرور جواب ڈیسو۔
(1) جڈاں ساؤل دی المسیح دے نال ملاقات تھئی تےاوہ کتھاں ویندا پیا ہا تےکیوں؟ جڈاں ستفنس کوں سنگسار کیتا گیا ہا تاں ساؤل کتھاں ہا۔؟
(2) المسیح نیں ساؤل کوں کیا آکھیا ؟ المسیح نیں حننیاہ کوں کیا آکھیا۔؟
(3) ساؤل دا نواں ناں کیا ہا۔؟
(4) ساؤل تےکیا اثر تھیا ؟ کیا اوندی زندگی بدل گئی۔؟
