پولس تےبرنباس دا بھیجیا ونجنڑاں (اعمال؛11۔13باب)
دوستو ! اج میں تساں بھرانواں کوں کہانڑی سنڑوینداہاں جو پولس تے برنباس کوں کینویں بھیجیا تے او ہ کیہڑے علاقیاں ءچ کم کریندے ہن ۔آؤاساں مکمل کہانڑی سنڑوں۔
(11۔19۔)’’جیہڑے لوک اوں مصیبت دی وجہ نال مختلف علاقیاں ءچ کھینڈ گئے ہَن جیہڑی ستفنس دے سببوں پئی ہئی او ہ دور دور تئیں گئے پر یہودیاں دے سوا کہیں کوں کلام نہ سنڑویندے ہَن۔(20)’’پرانھاں ءچو ں کجھ لوک انطاکیہ ءچ آ تے یونانیاں کوں وی خداوند یسوع دی خوشخبری دیاں گالھیں سنڑواونڑ لگے۔(21)’’تے بہوں سارے لوک ایمان گھن آئے تےخداوند آلے پاسے تھی گئے۔(22)’’ انھاں لوکاں دی خبر یروشلیم دی جماعت دے کناں تئیں اپڑی تےانھاں نیں برنباس کوں انطاکیہ تئیں بھیجیا۔(23)’’ او ہ اپڑ تے ،تےخدا دا فضل ڈیکھ تے خوش تھیا تےانھاں ساریاں کوں نصیحت کیتی جو دَلی ارادے نال خدا نال جڑے راہو۔(25)’’وَل او ہ پولوس دی گولھ ءچ ترسیس دو لگا گیا تےاونکوں انطاکیہ ءچ گھن آیا۔(26)’’ پورا سال پولس تےبرنباس انطاکیہ دی جماعت شامل تھیندے تےبہوں سارے لوکاں کوں تعلیم ڈیندے رہے۔(اعمال13باب1۔آیات) انطاکیہ دی جماعت ءچ کئی نبی تے استاد ہَن۔(2)’’ جڈاں او ہ خدا دی عبادت کریندے پئے ہَن تاں خدا دے روح نیں آکھیا میڈے واسطے برنباس تےپولس رسول کوں ایں کم کیتے مخصوص کرڈیوو جئیں واسطے میں انھاں کوں سڈیا ہے۔(3)’’ وَل انھاں نیں روزہ رَکھ تے ،تے دعاکر تے ،تےانھاں تے ہتھ رَکھ تے انھاں کوں رخصت کیتا۔(6)’’ تے اوہ پافس تئیں اپڑے اتھاں انھاں کوں ہک جادو گر ملیا۔(7)’’ اوہ جزیرے دے گورنر سرگیس پولس دے نال ہا۔سرگیس ہک سمجھدار بندا ہا اوہ پولس کوں سڈ تے خدا دا کلام سننڑاں چاہندا ہا۔(8)’’ پر الیماس جادو گر نیں پولس رسول دی مخالفت کیتی تے گورنر کوں ایمان گھن آنونڑ توں روکنڑاں چاہندا ہا۔(9)’’ تےپولس نیں خدادے روح القدس نال بھریج کے اوں تےغور نال نظر کیتی۔(10)’’ اونیں آکھیا شیطان دےفرزند۔(11)’’توں جو ہر قسم دے دھوکے تےبدی نال بھریا ہویا ہین تےہر انصاف دا دشمنڑ ہین کیا توں خدادیاں سدھیاں راہواں کوں وگاڑنڑدی کوشش توں باز نئیں آندا ہنڑ خدا تیکوں سزا ڈیسی تے توں اندھا تھی کے کجھ دیر تئیں ڈینہہ کوں نہ ڈیکھسیں۔اوں ویلے اوں تےکہر تے اندھارا تھی گیا او ہ گولھنڑپئے گیا جو کوئی ا وندا ہتھ پکڑ تے گھن ونجے۔(12)’’ وَل گورنر ایہہ ماجرہ ڈیکھ تے تےخدادی تعلیم توں حیران تھی تے ایمان گھن آیا۔(13)’’ وَل پولس تےاوندے ساتھی پافس توں جہاز تےروانہ تھی کے پمفیلیہ دو گئے تے پسدیہ ءچ وی آئے۔(14)’’پسدیہ ءچ سارا شہر خدا دا کلام سنڑنڑ کوں جمع تھیا پر یہودی اتنی بھیڑ ڈیکھ تے حسد نال بھریج گئے۔(16)’’ پولس رسول نیں کھڑے تھی تے ہتھ نال اشارہ کرتے آکھیا۔(17)’’ایں امت اسرائیل دے خدا نیں۔(22)’’ داؤد کوں انھاں دا بادشاہ بنڑایا جیندی نسبت اونیں ایہہ گواہی ڈتی جو میکوں ہک بندا میڈے دِل دے مطلب دا مل گیا ہے ۔(23)’’ اوندی نسل ءچو ں ای خدا نیں ہک منجی یعنی المسیح کوں بھیج ڈتا۔(27)’’ مگر پیلاطس نیں اونکوں مروا ڈتاتےاونکوں قبر ءچ رکھوا ڈتا۔(30)’’ پر خدانیں اونکوں مردیاں ءچو ں زندہ کیتا۔(44)’’ پسدیہ ءچ تقریباً سارا شہر خدا دا کلام سنڑنڑ کیتے کٹھا تھیا (45)پریہودی اتنی بھیڑ ڈیکھ تے حسد نال بھریج گئے تے پولس دیاں گالھیں دیاں مخالفت کرنڑ تےکفر بکنڑلگے۔(46)’’ پولس تےبرنباس دلیر تھی تے آکھنڑلگے ضرور ہاجو خدا دا کلام پہلے تہاکوں سنڑوایا ونجے پر تساں اونکوں رَد کریندے ہیوے تےاپنڑے آپ کوں ہمیشہ دی زندگی دےناقابل کھڑیندے ہیوے تاں ڈیکھو اساں غیر قوماں آلے پاسے متوجہ تھیندے ہیں۔(47)’’ کیوں جو خدا نیں ساکوں ایہہ حکم ڈتاہےجو میں تہاکوں غیر قوماں کیتے نور مقرر کیتے تاں جو توں زمین دی انتہا تئیں نجات دا باعث ہوویں۔(48)’’ غیر قوم آلے ایہہ سنڑتے خوش تھئے۔(49)’’تے خدادا کلام سارے علاقے ءچ ودھدا ریہا۔
’’دوستو ! اساں شکر گزار ہیں اپنڑیں بھرانواں دے جو تساں ساڈے نال وڈی محبت نال پیش آندے ہیوے تےاج دی کہانڑی ءچ ساڈے پنج سوال ہین۔
(1) برنباس انطاکیہ دی جماعت دی مدد کیتے کینکوں گولھنڑگیا۔؟
(2) کائیں آکھیا جو پولس تے برنباس کوں کم کیتے مخصوس کر ڈیو۔؟
(3) پولس نیں الیماس جادوگر کوں کیا آکھیا۔؟
(4) الیماس جادو گر دے نال جو کجھ تھیا او ہ ڈیکھ تے رومی صوبیدار نیں کیہڑے رَدِ عمل دا اظہار کیتا۔؟
(5) کیہو جیہاں پیغام دنیا دی انتہا تئیں گھن کے ونجنڑاں ہے۔؟
