نامعلوم خدا دے بارے ءچ وضاحت (اعمال:17باب)
)تعارف) دوستو ! اج تساں دوستاں کوں میں ہک کہانڑی سنڑوینداہاں میں امید کرینداہاں جو ایہہ کہانڑی تہاکوں بہوں چنگی لگسی’’ دنیا ءچ ایجھے مندر وی ہین جیہڑے نا معلوم خدا کیتے ہین۔مقدس پولوس اکھیندے ہین جو میں نا معلوم خدادے بارے ڈسنڑاں چاہنداں۔
(16)’’ جڈاں پولس نیں اتھینے شہر کوں بتاں نال بھریا ہویا ڈیٹھا تے اوندا ہاں سڑھ گیا۔(17)’’ ایں واسطے او ہ عبادت خانہ ءچ یہودیاں تےخدا دے عبادت گزاراں نال جیہڑے چوک ءچ ملدے ہَن روز بحث کریندا ہا۔(18)’’تےکئی فلاسفراں نیں آکھیا ایہہ کیا بکواس کرنڑاں چاہندا ہے؟ بنہاں نیں آکھیا ایہہ غیر خدا دی خبر ڈیونڑآلا معلوم تھیندا ہےِ ایں واسطے جو او اہ لمسیح تے قیامت دی خوشخبری ڈیندا ہےِ ۔(22)’’ پولوس نیں کٹھ دے ءچ لوکاں دے درمیان کھڑے تھی تے آکھیا اے اتھینے آلیو میں ڈیدھا ہاں جو تساں ہر گالھ ءچ دیوتیاں کوں وڈے مننڑ آلے ہیوے تےمیں سیر کریندے تےتہاڈے معبوداں تےغور کریندے ویلے ہک ایجھی قخداان گاہ وی ڈیٹھی جئیں اتےلکھیا ہا نامعلوم خدا کیتے ۔ جیندی تساں بغیر معلوم کیتے پوجا کریندے ہیوے میں تہاکوں اوندی خبر ڈینداہاں۔(24)’’ جئیں خدا نیں دنیا تے اوندیاں ساریاں چیزاں کوں پیدا کیتا او ہ آسمان تےزمین دا مالک تھی تے ہتھ دے بنڑائے ہوئے مندراں ءچ نیں راہندھا۔(25)’’ نہ کہیں چیز دا اوہ متھاج ہے تے نہ او ہ بندیاں دے ہتھو ں خدمت گھندا ہے کیوں جو اوہ تاں خود ساریاں کوں زندگی تےساہ تے ساراکجھ ڈیندا ہے۔(26)’’ تےاوں ہک ای بندے ءچوں ساریاں قوماں پیدا کیتیاں اونیں ساری زمین اتے راہنڑ کیتے خاص وقت تے راہنڑدیاں جائیں مقرر کیتیاں تاں جو خدا کوں گولھین تے لبھین بے شک او ہ ساڈے ءچوں کہیں توں دور نئیں۔(27)’’ کیوں جو ایں ءچ اساں جیندے ہیں چلدے پھردے تے موجود ہیں جیویں جو تہاڈے شاعراں ءچوں کجھ ٓکھیا جو اساں اوندی نسل وی ہیں ۔بس خدا دی نسل تھی تے ساکوں ایہہ خیال کرنڑاں مناسب نئیں جو ذاتِ الہی ایں سونے یا چاندی یا پتھر آلی کار ہےجیہڑےبندیاں دے ہنر یا ایجاد نال گھڑے گئے ہین۔(30)’’ بس خدا جہالت کوں نظر انداز کر تے ساریاں بندیاں کوں ہر جا ہ حکم ڈیندے جو توبہ کرو۔(31)’’ کیوں جو اونیں ہک ڈینہہ مقرر کیتا ہےِ کیوں جو او ہ انصاف نال دنیا دی عدالت اوں بندے دی معرفت کریسی جینکوں او نیں مقرر کیتا ہےتےمردیاں ءچو ں مقرر کیتا ہے ۔(32)’’ مردیاں دی قیامت دا سنڑتے بنہاں نیں پولوس رسول دا مذاق اڈایا تے بنہاں نیں آکھیا جو ایہہ گالھ اساں تے توں ولا کڈھائیں نہ سنڑسوں۔(34)’’ پر کجھ بندے اوں نال رَل گئے تےایمان گھن آئے۔
دوستو ! ساڈی کہانڑی دے آخر ءچ سوال ہوندین ۔تے ایں کہانڑی ءچ چار سوال ہین۔
(1)’’ کیا ڈیکھ تے پولس دا ہاں سڑ گیا۔؟
(2)’’ فلاسفراں مقدس پولس کوں کیا آکھیا تےکیوں آکھیا۔؟
(3)’’ مقدس پولوس نیں نا معلوم خدا دے بارے ءچ کیا ڈسایا؟ کیا کہیں نیں انھاں دا یقین کیتا۔؟
(4)’’ خدا دنیا دی عدالت کینویں کریسی۔؟
دوستو ! ایہہ ساڈے سوال ہین میں امید کرینداہاں جو تساں انھاں سوالاں دے ضرور جواب ڈیسو۔ ایں پروگرام دے نال اپنڑے بھرا غلام فرید کوں ڈیو اجازت خداحافظ ۔
