یسوع المسیح دا مکاشفہ
(مکاشفہ۔1۔4۔5۔7۔19۔20۔21۔22)
( تعارف)’’ دوستو! اساں شکر گزار ہیں تساں سجنڑاں دے جو تساں ساڈے حوصلے واسطے ساڈے نال رابطے کریندے ہیوے ایں کہانڑی دا تعارف ایہہ ہےجو کتابِ مقدس دی آخری کتاب سن 96ءچ مقدس یوحنا (المسیح دا شاگرد)نیں لکھی ہئی۔ ایں آخری واقعے کوں پڑھدے ہویاں اساں انھاں سوالاں تے غور کر سگدے ہیں جیویں جو المسیح کونڑہَے۔؟کیا او ہ محض ہک نبی ہَا یا او ہ خدا ہَا جیہڑا مجسم تھی کے آیا ہَا۔؟ خدادا کلمہ جیہڑاساریاں لوکاں کیتے آیا تاں جو لوک اوندے کولھ آ تے آبِ حیات مفت پا سگن۔ آؤ اساں مکمل کہانٹری سنڑوں۔
(1۔1)’’ المسیح دا مکاشفہ جیہڑا اونکوں خدا دی طرفوں ایں واسطے تھیا جو اوہ آپنڑے بندیاں کوں گالھیں ڈکھاوے جنہاں دا جلد ہوونڑاں ضرور ہے تے او نیں آپنڑے فرشتیاں کوں بھیج تے اوندی معرفت انہیں کوں آپنڑے بندے یوحنا تے ظاہر کیتا۔
(17)’’ خوف نہ کر۔ خداوندفرمیندا ہے میں اول تے آخر ہاں او ہ جیہڑا ہے تےجیہڑا آنونڑ آلا ہےِ یعنی قادرِ مطلق خدا ۔ ۔18 میں زندہ ہاں مر گیا ہمی تے ڈیکھ ابدالآباد زندہ رہساں تے موت تےعالم ارواح دیاں کنجیاں میڈے کولھ ہین۔(1:4)’’ انھاں گالھیں دے بعد جو میں یوحنا نیں نگاہ کیتی تے کیا ڈیدھاھاں۔جو آسمان تےہک تخت رکھیا ہےِ تےاوں تخت اتےکوئی بیٹھا ہے۔(3)تے جہڑا اس تے بیٹھا ہے اوہ سنگِ یشب تے عقیق وانگوں معلوم تھیندا ہےتے تخت ڈے چوگردوں اوں تخت دے نال زمرد جیہاں ہک پینگ معلوم تھیندی ہےِ ۔(4)’’ اوں تخت دے نال،چویح تخت ہین تے چوویح بزرگ تختاں اتے بیٹھے ہَن۔(6)’’اوں تخت دے سانمنڑے شیشے دا سمندر بلور آلی کار ہا۔(6:5)’’ میں اوں تخت دے سامنڑے ذبح کیتا ہویا ہک برہ کھڑا ڈٹھا۔(9:5)’’ تے او ہ بزرگ ایہہ نواں گیت گاونڑ لگے جو توں ذبح تھی کے اپنڑے خون نال ہر ہک قبیلہ تے اہلِ زبان تے امت تے قوماں ءچوں خدا کیتے لوکاں کوں خرید گھدے۔(9:7)’’ہر ہک قوم تے قبیلہ تے امت تے اہلِ زبان دی ہک ایجھی وڈی بھیڑ جینکوں کوئی گنڑ نہ کر سگدا ہا سفید جامے پاتے ،تے کھجیاں دیاں چھڑیاں اپنڑے ہتھاں ءچ گھدیاں ہویاں برے دے تخت دے اگوں کھڑی ہے ۔(10)’’ تے وڈی آواز نال رڑھ رڑھ کے آدھی ہےِ جو نجات ساڈے خدادی طرفوں ہے جیہڑا تخت اتے بیٹھا ہےتے برے دی طرفوں۔ (11)’’ تے سارے فرشتے تےسارے بزرگاں تے جان داراں دی اواز سنڑی جیہڑے آسوں پاسو ں کھڑے ہَن وَل اوہ تخت دے اگوں منہ دے بھرانڑیں ڈھے پئے تے خدا دی تمجید کیتی۔(6:19)’’ وَل میں وڈی جماعت جیہی آواز سنڑیں جو ہالیلویاہ (خدا دی تعریف ہوے)ایں واسطے جو خداوند ساڈا خدا بادشاہی کریندا ہےِ ۔(9)’’ وَل اوں فرشتے نیں میکوں آکھیا لکھ جو مبارک ہین او ہ جیہڑے برے دی شادی دی ضیافت ءچ سڈے گئے ہین۔(20:1)’’وَل میں ہک فرشتے کوں آسمان توں لہندے ڈٹھا۔(2)’’ او نیں اژدہا یعنی پرانڑے ناگ کوں جیہڑا شیطان ہاِ پکڑیا۔(10)’’ تے اونکوں بھاہ تےگندھک دی جھیل ءچ سَٹ ڈتا تے او ہ رات ڈینہہ ابدالآباد عذاب ءچ راہسین۔(11)’’ وَل میں ہک سفید تخت تےاونکوں جیہڑا اوں اتے بیٹھا ہا ڈٹھا ۔(12)’’ مردیاں دا ہر ہک دے اعمال دے مطابق انصاف کیتا گیا۔(14)’’ وَل موت تے پاتال بھاہ دی جھیل ءچ سَٹے گئے۔(15)’’ تےجئیں کہیں دا ناں کتابِ حیات ءچ لکھیا ہویا نہ ملیا اوہ بھاہ دی جھیل ءچ سَٹیا گیا۔(21:1)’’ وَل میں ہک نویں آسمان تے نویں زمین کوں ڈٹھا۔(2)’’ تےکہینکوں اچی آواز نال ایہہ آدھے سنڑیا جو ڈیکھ خدا دا تنمبو بندیاں دے وچال ہے ۔(4)’’ تےاو ہ انھاں دے اَکھیں دے سارے ہنجوپونجھ ڈیسی۔ تے ایندے بعد نہ موت راہسی نہ ماتم راہسی نہ آہ و نالہ نہ درد۔(22:1)’’ وَل اونیں میکوں زندگی دا ہک دریا ڈکھایا تے دریا دے ڈوہائیں کناریاں تے زندگی دا درخت ہا۔(2)’’ اوندے ءچ بارہاں قسم دے پھل آندے ہَن تے او ہ ہر مہینے پھلدا ہا تے اوں درخت دے پتراں توں قوماں کوں شفا ملدی ہئی۔(16)’’ میں المسیح نیں آپنڑا فرشتہ ایں واسطے بھیجیا جو(ایمانداراں دی ) جماعتاں دے بارے ءچ تہاڈے سانمنڑے انھیں گالھیں دی گواہی ڈیوے۔(17)’’ تےروح تےدولہن آدھیاں ہین’’ آ‘‘ تے سنڑڑ آلا وی آدھے آ تے جیہڑا تِرسا ہووے ِ او ہ آوے تے جیہڑا کوئی چاہوے او ہ آبِ حیات مفت گھنے۔(20)’’ جیہڑا انھاں گالھیں دی گواہی ڈیندا ہےِ جو بے شک میں جلد آنونڑ آلا ہاں‘‘۔آمین۔اے خداوند یسوع آ۔
(1)’’ ایہہ مکاشفہ کینکوں ملیا ہا؟ خدا آپنڑے آپ کوں کیویں ظاہرکریندا ہا؟
(2)’’ جیہڑا عہدخدا نیں مقدس ابراہام نال بدھیا ہا اونکوں اساں ایں واقع ءچ کیویں پورا تھیندے ہویا ڈیدھے ہیں؟
(3)’’ شیطان دا انجام کیا ہوسی اونکوں کیہڑے قسم دے عذاب دا سانمنڑاں کرنڑاں پوسی۔؟
(4)’’ زندگی دے درخت دے پتراں ءچ کیا طاقت ہے ۔؟
(5)’’ ایں واقعہ دے اختتام تےروح تےکنوار کیا آدھیاں ہین۔؟
