زندگی دا سبھ توں سونڑھا تحفہ
کرسمس دا ڈینھ اوہ لمحہ ہے جڈاں وقت رُک گیا تے آسمان زمین دے کولھ آ گیا۔ اُوں خاموش رات ءچ خدا تعالیٰ محبت، امید تے روشنی دی چمک ءچ انساناں کوں زندگی دا سبھ توں سونڑھا تحفہ ڈتا۔
اوہ تحفہ جیہڑا ہر دل دے زخم کوں ملہم بنڑ تے چُھُو گیا، جیہڑا اندھارا مٹا تے روشنی ڈے گیا تے اوں پاک ہستی دا ناں یسوع المسیح ہے۔
مولا المسیح دی پیدائش دی تاریخ نئیں بلکہ ہک نِشانی ہے جیہڑی خدا تعالیٰ دی محبت زمین اُتے اُتری تے انساناں کوں زندگی گزارنڑ دا ہک نواں مطلب ڈتا۔
المسیح دی پیدائش زندگی دا سبھ توں سونڑھا تحفہ ہے جیہڑا ربّ رحیم دی طرفوں ساکوں ڈتا گیا ہے۔
فرشتے اُنہاں لوکاں کُوں آکھیا، ”ڈرو نہ، کیوں جو ڈیکھو مَیں تُہاکُوں وڈی خوشی دی خبر سنڑیندا ہاں جیہڑی ساری اُمت کیتے ہوسی
انجیل شریف، لُوقا 2:10
- کرسمس اوہ ویلا ہے جڈاں آسمان تے زمین خوشی منائی تے زمین اوندا جواب ڈتا۔
آؤ، اساں وی کرسمس دے تہوار کوں خوشی نال مناؤں تے ربّ پاک دی محبت دا اظہار ڈوجھے لوکاں نال وی کروں۔
تے انساناں کوں ربّ پاک دا قرب نصیب تھیا۔ آج وی انھاں لوکاں کیتے رحمت دے دروازے کھلے ہن جیہڑے اوندی تلاش ءچ ہن۔