رحمت دے دروازے کھل گئے
ایہ اوہ ویلہ ہا جڈاں دل اُداس ہن تے زمین اُتے خاموشی ہئی، لوک دعائیں کر کر تے تھک گئے ہن تے انہاں دی امید ختم تھی گئی ہئی، ول ربّ پاک دی طرفوں اوہ ویلہ آیا جڈاں رحمت دے دروازے کھل پئے تے سارا آسمان روشن تھی گیا تے ول ربّ دا نور زمین اتے لہہ آیا۔ اوں ویلے فرشتے بول پئے ،خوشی مناؤلوکو! کیوں جو مولا المسیح پیدا تھئے ہن۔
ایہ اوہ ڈینھ تے اوہ ویلہ ہا جڈاں ربّ پاک دی محبت انسان دے کولھ آئی تے ایہ محبت ہک وعدے دی تکمیل تے خاموش دعاوواں دا جواب ہئی۔
اوں رات جتھاں اندھارا ہا، اتھاں نور دی چمک پئی تے لوکاں نور دی روشنی کوں ڈٹھا۔ کرسمس اوہ ویلہ ہے جڈاں ربّ پاک انساناں دے ڈکھاں کوں ڈیکھ تے زمین اُتے انسانی صورت ءچ آیا تاں جو ایں دنیا ءچ امن تے محبت کوں قائم کرے۔
کیوں جو ربّ پاک دا اوہ فضل ظاہر تھی گِیا ہے جیہڑا سارے اِنساناں دی نجات دا سبب ہے۔
انجیل شریف، طِطُس 2:11
جیں ویلے رحمت دے دروازے کھل پئے تاں اوں ویلے دنیا دا منظر بدل گیا۔ زمین کوں امن ملیا تے دلاں کوں ہک نویں امید
تے انساناں کوں ربّ پاک دا قرب نصیب تھیا۔ آج وی انھاں لوکاں کیتے رحمت دے دروازے کھلے ہن جیہڑے اوندی تلاش ءچ ہن۔
جڈاں ربّ پاک دا نور زمین ا تے لتھا تاں کیا اوں ویلے تہاڈے دل دا دروازہ وی کھل گیا؟
جڈاں ربّ پاک دا نور زمین ا تے لتھا تاں کیا اوں ویلے تہاڈے دل دا دروازہ وی کھل گیا؟