المسیح کیتے نزرانہ عقیدت ( یوحنا ۱۲ باب، متی ۲۶ باب)

’’تعارف‘‘ دوستو ! اساں اج ایں کہانڑی ءچ المسیح دے نزرانڑے دے بارےءچ  ڈسیسوں جو مریم تےاوندی بھنیڑ مرتھا تےاوندے بھرا لعزر نیں المسیح دے اعزاز ءچ کھانڑےدا اہتمام کیتا ہا۔(یوحنا 12۔باب)

(1) ول یسوع   فسح توں چھی ڈینہہ پہلے بیت عنیاہ ءچ آیا جتھاں لعزر ہا جینکوں المسیح نیں مردیاں ءچوں زندہ کیتا ہا۔ (2) اتھاں انھاں نیں اوندے واسطے شام دا کھانڑاں تیار کیتا ہا تےمرتھا خدمت کریندی ہئی پر لعزر انھاں ءچ ہا جیہڑے انھاں دے نال کھانڑا کھاندے بیٹھے ہَن۔(3) وَل مریم نیں قیمتی عطر دا ادھا لیٹر خالص تیل بیش قیمت عطر گھن تے المسیح دے پیراں تےسٹیا تےاپنڑے والاں نال اوندے پیر پونجھے تےگھر عطر دی خوشبو نال مہک گیا پر المسیح دے شاگرداں ءچوں ہک بندہ یہوداہ اسکریوتی جیہڑا انھاں کوں پکڑانونڑکیتے ہا آکھنڑلگا۔(5)  جو ایہہ عطر چاندی دے ترے سو دینار  دا      وک سکدا ہا  تے  ہک دینار ہک ڈینہہ دی مزدوری ہئی تےایں عطر دی قیمت دی تقریباً  ہک مزدور دے سال دی مزدوری دے برابر ہئی ) اوہ  ویچ تے غریباں کوں کیوں نئیں ڈتاگیا۔(6) او نیں  ایہہ ایں واسطے نہ آکھیا جو اونکوں غریباں دی فکرہئ بلکہ ایں واسطے جو بدیانت ہا تےشاگرداں دا خزانچی ہا تے کٹھے تھئے پیسیاں ءچوں چوری کریندا ہا۔(7) بس   المسیح نیں آکھیا جو اینکوں ایہہ عطر میڈے دفن دے ڈینہہ تیئں رکھنڑ ڈیو۔ (8) کیوں جو غریب غرباتاں ہمیشہ تہاڈے نال ہِن پر میں ہمیشہ تہاڈے نال نہ راہساں۔متی:26۔1:میں تہاکوں سچ آدھاں جو ساری دنیا ءچ جتھاں کتھائیں ایں خوشخبری دی منادی کیتی ویسی ایہہ وی جو اوں کیتے اوندی یادگاری ءچ آکھیا ویسی۔

دوستو ! اساں دوستاں دے بہوں مشکور ہوسو ں جو تساں ساڈا حوصلہ ودھانونڑکیتے ساڈے سوالاں دے جواب ڈیسو۔ایں کہانڑی ءچ ترے سوال ہِین۔ آؤ اساں سوال سنڑوں۔

(1) عطر دی خوشبو کینکوں چنگی لگی۔؟

(2)  المسیح نیں کیا فرمایا جو ایں عورت دی کتھاں تعریف کیتی ونجے۔؟

(3) المسیح نیں کیا آکھیا جو اصل حقیقت عطر سٹنڑ دا مقصد کیا ہا۔؟